مىنا ماسەلەنى باسا ايتقىمىز كەلەدى: حالىق ەلباسىنىڭ جولداۋىنان جاقسىلىق كۇتەدى. جۇرتتىڭ ءبارى الەۋمەتتىك جەلىلەردى ءجىتى باقىلاپ, اقوردانىڭ Twittrer پاراقشاسىن ءالسىن-ءالسىن جاڭارتىپ, اقپارات اگەنتتىكتەرىندە جاريالانعان جاڭالىقتاردى نازاردا ۇستاپ وتىردى. وسى جىلعى جولداۋدىڭ تىكەلەي ەفير ارقىلى ەمەس, ينتەرنەت كەڭىستىگى ارقىلى تارالعانى ونىڭ حالىق ءۇشىن ماڭىزىنىڭ جوعارى ەكەنىن بىردەن ايقىندادى. سەبەبى, Twittrer مەن Facebook سەكىلدى الەۋمەتتىك جەلىلەردە الەۋمەتتىڭ اقجولتاي اقپاراتتى اعايىنعا جەتكىزىپ, دەم اراسىندا وعان ەلدىڭ ءۇن قوسىپ جاتقانىنا كۋا بولدىق. زاماناۋي تەحنيكا حالىقتىڭ يگىلىگىنە وسىلاي جۇمىس جاسادى. مىسالى, ءبىر قولدانۋشى «مەملەكەتتىك قىزمەتكەرلەردىڭ جالاقىسى 15 پايىزعا ارتاتىن بولدى» دەگەن اقپارات جولدادى. ال ونىڭ استىنا جازىلعان ەلدىڭ پىكىرىندە ەسەپ جوق. ەل جولداۋدان جاقسىلىق كۇتەدى دەگەندى وسىنداي دۇنيەلەرگە سۇيەنىپ ايتىپ وتىرمىز.
مىنا ماسەلەنى باسا ايتقىمىز كەلەدى: حالىق ەلباسىنىڭ جولداۋىنان جاقسىلىق كۇتەدى. جۇرتتىڭ ءبارى الەۋمەتتىك جەلىلەردى ءجىتى باقىلاپ, اقوردانىڭ Twittrer پاراقشاسىن ءالسىن-ءالسىن جاڭارتىپ, اقپارات اگەنتتىكتەرىندە جاريالانعان جاڭالىقتاردى نازاردا ۇستاپ وتىردى. وسى جىلعى جولداۋدىڭ تىكەلەي ەفير ارقىلى ەمەس, ينتەرنەت كەڭىستىگى ارقىلى تارالعانى ونىڭ حالىق ءۇشىن ماڭىزىنىڭ جوعارى ەكەنىن بىردەن ايقىندادى. سەبەبى, Twittrer مەن Facebook سەكىلدى الەۋمەتتىك جەلىلەردە الەۋمەتتىڭ اقجولتاي اقپاراتتى اعايىنعا جەتكىزىپ, دەم اراسىندا وعان ەلدىڭ ءۇن قوسىپ جاتقانىنا كۋا بولدىق. زاماناۋي تەحنيكا حالىقتىڭ يگىلىگىنە وسىلاي جۇمىس جاسادى. مىسالى, ءبىر قولدانۋشى «مەملەكەتتىك قىزمەتكەرلەردىڭ جالاقىسى 15 پايىزعا ارتاتىن بولدى» دەگەن اقپارات جولدادى. ال ونىڭ استىنا جازىلعان ەلدىڭ پىكىرىندە ەسەپ جوق. ەل جولداۋدان جاقسىلىق كۇتەدى دەگەندى وسىنداي دۇنيەلەرگە سۇيەنىپ ايتىپ وتىرمىز.
تاعى ءبىر مىسال. ەلباسى جولداۋىنان كەيىن قىزىلوردا وبلىسىنىڭ قازاقستان حالقى اسسامبلەياسى مۇشەلەرى شۇعىل جينالدى. ءسويتىپ, بيىلعى جىلدىڭ ەڭ ماڭىزدى قۇجاتىن تالقىلادى. جيىندى اشقان وبلىستىق اسسامبلەيا توراعاسىنىڭ ورىنباسارى – حاتشىلىق باسشىسى اسىلبەك جۇماباەۆ بيىلعى جولداۋدىڭ بۇرىنعىدان وزگەرەك ەكەنىن ەرەكشە اتاپ ءوتتى.
– ءبىز كەڭەس زامانىندا تاربيەلەنگەن, قالىپتاسقان ۇرپاقپىز عوي. دەگەنمەن, ەلباسىنىڭ جولداۋىن الەۋمەتتىك جەلىلەر ارقىلى, اقپارات اگەنتتىكتەرىنە شىققان ماتەريالدار بويىنشا قاراپ وتىردىق. ال جاستاردىڭ قولدارىنداعى ۇيالى تەلەفوندارى ارقىلى جولداۋدان ۇزىك-ۇزىك ۇزىندىلەرىن وقىعانىن كورگەندە ەرەكشە قۋاندىم. بۇگىندە ەلباسىنىڭ سىندارلى ساياساتىنىڭ ارقاسىندا قازاقستان ۇلكەن جەتىستىكتەرگە جەتتى. 2050 جىلعا دەيىن الەمنىڭ وزىق 30 ەلىنىڭ قاتارىنا كىرەتىنىمىزدى ايتتى بۇگىن ەلباسى. ونىڭ تۇجىرىمداماسى الداعى كۇندەرى جاريالاناتىنىن بىلدىك. جالاقى وسەدى, شاكىرتاقى ارتادى. سونىمەن قاتار, الداعى جىلداردا قازاقستاندا ءۇش اۋىسىمداعى مەكتەپتەر بولمايدى. ەلباسى ۇكىمەتكە مەكتەپتەردىڭ بارلىعىنىڭ ەكى اۋىسىمدا جۇمىس ىستەۋى كەرەكتىگىن تاپسىردى. بۇل رەتتە قىزىلوردا وبلىسىندا ءۇش اۋىسىمدا وقىتىپ جاتقان مەكتەپتەردىڭ جوق ەكەنىن قۋانىشپەن ايتقىم كەلەدى, دەدى ول.
ال «بولاشاق» ۋنيۆەرسيتەتىنىڭ پرورەكتورى بولات ءناسىپوۆ:
– ەلباسى قازاق ءتىلىنىڭ عىلىم مەن ءبىلىم, ينتەرنەت تىلىنە اينالعانىن ءمالىم ەتتى. بۇل نەگىزسىز ەمەس. سەبەبى, بۇگىندە گوللانديا, گەرمانيا سەكىلدى ەۋروپا مەملەكەتتەرىندە قازاق تىلىندەگى عىلىمي ماقالالاردى جاريالايتىن جۋرنالدار شىعادى. ياعني, ەۋروپادا ءبىز ءوزىمىز جازعان ەڭبەكتەردى ەش قيىندىقسىز جاريالاي الامىز. بۇل قازاق ءتىلىنىڭ الەمدىك وركەنيەتكە شىققانىنىڭ ءبىر بەلگىسى. ال ينتەرنەت تىلىنە اينالدى دەگەنىن بۇگىنگى جولداۋدى جۇرتتىڭ بارلىعى عالامتور ارقىلى الىپ, تالداپ, زەرتتەپ جاتقانىنان انىق اڭعارۋعا بولادى,– دەپ ورتاعا ءوز ويىن سالدى.
جيىن بارىسىندا وبلىستاعى مادەني ورتالىقتاردىڭ جەتەكشىلەرى كەزەك-كەزەك ءسوز الىپ, قازاقستانداعى تۇراقتىلىق پەن تاتۋلىقتىڭ بارلىعى ەلباسىنىڭ سىندارلى ساياساتىنىڭ ارقاسىندا بولىپ جاتقانىن جەتكىزدى. جىل سايىن قازاقستان حالقىنا ارنالاتىن جولداۋدىڭ ءوزى مەملەكەت دامۋىنداعى سەرپىندى قۇجات ەكەنى ايتىلدى.
سونىمەن قاتار, قىزىلوردالىقتار ەلباسى جولداۋىن تەلەديدار ارقىلى دا تاماشالادى. مىسالى, كەشە عانا «قازاقستاننىڭ ەڭبەك ەرى» اتاعىن ەلباسىنىڭ قولىنان العان ابزال ەراليەۆ باسقاراتىن «ابزال جانە ك» تولىق سەرىكتەستىگىنىڭ ۇجىمى جولداۋدى بىرلەسە كوردى. ال مۇناي ءوندىرۋ سالاسىندا ايماقتاعى وزىق كومپانيالاردىڭ ءبىرى «قازگەرمۇناي» بىرىككەن كاسىپورنىنىڭ باسشىسىنان جۇمىسشىسىنا دەيىن جولداۋدا ايتىلعان سوزدەردى سارالادى. سونىمەن قاتار, قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ شاكىرتتەرى جاڭادان اشىلعان «ستۋدەنتتەر ۇيىندە» جىلدىڭ باستى قۇجاتىنىڭ مانىنە بويلادى.
ەرجان بايتىلەس,
«ەگەمەن قازاقستان».
قىزىلوردا.
