ءبۇلدىرشىن 30 شىلدە كۇنى «اسار» شاعىناۋدانىنداعى بالالار اۋرۋحاناسىنا اۋىر جاعدايدا جەدەل جاردەم قىزمەتىمەن جەتكىزىلگەن.
ناۋقاس بالا بەس كۇندەي جانساقتاۋ بولىمىندە جاتىپ, الىنعان سىناما ناتيجەسىندە كاۆاساكي تارىزدەس سيندروم انىقتالعان ەدى. اق حالاتتىلار قاۋىپتى ينفەكتسياعا شالدىققان بالانى ەمدەۋ ءۇشىن ءتيىستى ەم-دوم شارالارىن جۇرگىزىپ, اياعىنان تۇرعىزدى.
دارىگەرلەر قاۋىپتى ينفەكتسيا كوروناۆيرۋستىڭ اسقىنۋىنان پايدا بولاتىنىن ايتادى.
«دەر كەزىندە دياگنوزىن قويىپ, ەم تاعايىنداۋ ارقاسىندا بالانىڭ بەتى بەرى قارادى. ونى 5 كۇندەي جانساقتاۋ بولىمىندە, ودان كەيىن تاعى 5 كۇن بولىمشەدە قاداعالاپ, جاعدايىنىڭ جاقسارعان سوڭ ۇيگە امبۋلاتورلىق باقىلاۋعا شىعاردىق», دەدى شىمكەنت قالالىق بالالار كلينيكالىق اۋرۋحاناسى باس دارىگەرىنىڭ ەمدەۋ ءىسى جونىندەگى ورىنباسارى قالامقاس داۋمباەۆا.
قاۋىپتى دەرتتەن ايىققان ءبۇلدىرشىن ەندى جەرگىلىكتى ەمحانا دارىگەرلەرىنىڭ باقىلاۋىندا بولادى.
