قازاقستان • 17 تامىز، 2021

جۇمىسىنان ايىرىلعان 77،9 مىڭ ادام الەۋمەتتىك تولەم الدى

614 رەت كورسەتىلدى

ەڭبەك جانە حالىقتى الەۋمەتتىك قورعاۋ مينيسترلىگىندە قانشا قازاقستاندىق جۇمىسىنان ايىرىلۋ بويىنشا الەۋمەتتىك تولەمدەر الاتىنى تۋرالى ايتىلدى، دەپ حابارلايدى Egemen.kz.

2021 جىلعى 1 تامىزداعى جاعداي بويىنشا جۇمىسىنان ايىرىلۋ مەرزىمىندە تولەنەتىن الەۋمەتتىك تولەمدەر 77،9 مىڭ ادامعا تاعايىندالدى. بيىل العاش رەت مەملەكەتتىك الەۋمەتتىك ساقتاندىرۋ قورىنان جۇمىسىنان ايىرىلۋ بويىنشا تولەمدەر 52 مىڭ ازاماتقا تاعايىندالعانى اتاپ ءوتىلدى.

جۇمىستان بوساتىلعان قىزمەتكەرلەر ءبىر ايدان التى ايعا دەيىنگى كەزەڭ ىشىندە جۇمىسىنان ايرىلعان كەزدە الەۋمەتتىك تولەمدەر الا الادى. جۇمىسىنان ايرىلعاندارعا ماسق قاراجاتى ەسەبىنەن جوعالعان تابىستىڭ 40 پايىزىنا دەيىنگى مولشەردە سوما تولەنەدى.

الەۋمەتتىك تولەمدەر الۋ ءۇشىن جۇمىستان بوساتىلعان قىزمەتكەر:

  • eGov.kz پورتالىندا اۆتورلانۋ;
  • «جۇمىسقا ورنالاستىرۋ جانە جۇمىسپەن قامتۋ» بولىمىندە «جۇمىس ىزدەپ جۇرگەن ادامداردى تىركەۋ» قىزمەتىن تاڭداۋ;
  • بارلىق تالاپتاردى تولتىرىپ، قىزمەتكە ونلاين تاپسىرىس بەرۋ جانە ەتسق-مەن قول قويۋ ارقىلى ءوتىنىمدى جىبەرۋ كاجەت;

ءبىر كۇن ىشىندە ءوتىنىش بەرۋشىنىڭ تۇرعىلىقتى جەرى بويىنشا جۇمىسپەن قامتۋ ورتالىعى بوس جۇمىس ورىندارىن ۇسىنادى. ەگەر جۇمىس تابىلماسا، 3 كۇن ىشىندە قاشىقتىقتان جۇمىسسىز مارتەبەسى بەرىلەدى (قاجەت بولعان جاعدايدا قوسىمشا اقپارات جيناۋ ءۇشىن ءوتىنىش بەرۋشىمەن حجقو قىزمەتكەرى حابارلاسادى).
سونداي-اق قىزمەتتى enbek.kz ەلەكتروندىق ەڭبەك بيرجاسى ارقىلى الۋعا بولادى.

ەگەر ادام جۇيەدە جۇمىسسىز رەتىندە تىركەلگەن بولسا، وندا وعان پرواكتيۆتى فورماتتا ماسق-دان تولەم تاعايىندالعانىن راستاۋ ءۇشىن SMS جولدانادى.

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار