قازاقستان • 17 تامىز، 2021

قازاقستان مەنشىك قۇقىعىن قورعاۋ دەڭگەيى بويىنشا قاي ورىندا؟

181 رەت كورسەتىلدى

مەنشىك قۇقىعىن قورعاۋ دەڭگەيى بويىنشا رەيتينگتە قازاقستان 129 ەلدىڭ ىشىندە 85-ورىنعا يە بولدى، دەپ جازادى Egemen.kz

مەنشىك قۇقىعىن قورعاۋ بويىنشا رەيتينگتە قازاقستان الەمدەگى 129 ەلدىڭ ىشىندە 85-ورىنعا يە بولدى. الدىڭعى جىلى 89-ورىندا ەدى.

ەل يندەكسى 5،006 بولدى. يندەكس نەعۇرلىم جوعارى بولسا، ەلدەگى قۇقىقتاردى قورعاۋ دەڭگەيى سوعۇرلىم جوعارى دەگەن ءسوز. 

تمد ەلدەرىنىڭ ىشىندە مەنشىك قۇقىعى قازاقستانعا قاراعاندا ازەربايجان مەن ارمەنيادا جاقسى قورعالعان. ال رەسەي، ۋكراينا، مولدوۆا ەلدەرىندە جاعداي سالىستىرمالى تۇردە ءماز ەمەس.

ازاماتتاردىڭ مەنشىك قۇقىعى الەمدە فينليانديادا، شۆەيتساريادا جانە سينگاپۋردا جاقسى قورعالعان. ەڭ ناشارى - گايتيدە.

رەيتينگتە مەنشىك قۇقىعىن قۇقىقتىق جانە ساياسي قورعاۋ، زاڭدىلىق پەن سىبايلاس جەمقورلىقتى باقىلاۋ سالاسىنداعى كوپتەگەن كورسەتكىشتەر ەسكەرىلگەن.

ارمەنيا تمد ەلدەرى اراسىندا قۇقىقتىق جانە ساياسي قورعاۋ، زاڭدىلىقتى ساقتاۋ، سىبايلاس جەمقورلىقتى باقىلاۋ سالاسىنداعى كوشباسشى بولىپ وتىر. ال سوت تاۋەلسىزدىگى، فيزيكالىق مەنشىكتى قورعاۋ، مەنشىك قۇقىعى، م ۇلىكتى تىركەۋ، نەسيەگە قول جەتكىزۋ، زياتكەرلىك مەنشىكتى قورعاۋدى قابىلداۋ ساناتتارىندا ءازىربايجان ۇزدىك دەپ تانىلدى. رەسەي زياتكەرلىك مەنشىك قۇقىقتارىن جانە اۆتورلىق قۇقىقتى قاراقشىلىقتان قورعاۋ باعىتىندا ناتيجەلى جۇمىس ىستەگەن.

قازاقستان تمد ەلدەرى اراسىندا ساياسي تۇراقتىلىق ساناتىندا ءوزىن جاقسى كورسەتە الدى.

Finprom جازۋىنشا، بيىل ءبىرىنشى توقساننىڭسوڭىندا قازاقستاندا قۇقىق جانە ەسەپ سالاسىندا كورسەتىلگەن قىزمەت كولەمى 25،4 ملرد تەڭگەنى قۇرادى، بۇل وتكەن جىلمەن سالىستىرعاندا 11،3%-عا از.

كورسەتىلگەن قىزمەتتىڭ ۇشتەن ەكىسىنەن استامى الماتىدا تىركەلدى (18 ملرد تەڭگە). ەكىنشى جانە ءۇشىنشى جولداردى ەلوردا (5 ملرد تەڭگە) مەن قاراعاندى ​​وبلىسى (362،3 ملن تەڭگە) الادى. ەڭ از قىزمەت تۇركىستان وبلىسىندا كورسەتىلدى (جىلىنا 5،1 ميلليون تەڭگە).

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۇقساس جاڭالىقتار