«قاسىم-جومارت توقاەۆ پاندەميا باستالعالى بەرى وڭتۇستىك كورەياعا ساپارمەن كەلگەن الەمدىك دەڭگەيدەگى ءبىرىنشى كوشباسشى», دەپ جازادى بەرىك ءۋالي.
پرەزيدەنتتىڭ ءباسپاسوز حاتشىسىنىڭ جازۋىنشا, مەملەكەتتىك ساپار باعدارلاماسى اسا اۋقىمدى.
ەرتەڭ, 17 تامىز كۇنى پرەزيدەنت مۋن چجە ينمەن كەلىسسوز وتكىزۋ جوسپارلانعان. وندا تاراپتار قازاقستان مەن كورەيا اراسىنداعى ستراتەگيالىق ىنتىماقتاستىقتى ودان ءارى دامىتۋدىڭ كەڭ اۋقىمدى ماسەلەلەرىن قاراستىرادى. كەلىسسوز قورىتىندىسى بويىنشا بىرقاتار ەكىجاقتى قۇجاتقا قول قويىلادى.
قاسىم-جومارت توقاەۆ مۋن چجە ينمەن بىرگە كورەيا بيزنەسىنىڭ جەتەكشىلەرىمەن كەزدەسۋ وتكىزەدى.
سونىمەن قاتار مەملەكەت باسشىسى كورەيانىڭ ۇلتتىق باتىرى, ءومىرىنىڭ سوڭعى جىلدارىندا قازاقستاندا تۇرعان گەنەرال حون بوم دونى ەسكە الۋعا ارنالعان ءىس-شاراعا قاتىسىپ, وتان ءۇشىن قۇربان بولعانداردىڭ مونۋمەنتىنە گۇل شوعىن قويادى.
بۇدان كەيىن كورەيانىڭ ءىرى كومپانيالارىنىڭ قاتىسۋىمەن بىرقاتار ەكىجاقتى كەزدەسۋ وتكىزەدى. سونداي-اق بۇۇ-نىڭ بۇرىنعى باس حاتشىسى پان گي مۋنمەن جۇزدەسۋ جوسپارلانعان.
