ءبىرىنشى جاعداي, ج. ەسىمدى 26 جاستاعى ازاماتشا توڭىرەگىندە بولعان. ول ينتەرنەت-رەسۋرستاردى پايدالانا وتىرىپ, ازاماتتاردى ميكروكرەديتتىك ۇيىمدارىنىڭ بىرىندە تاۋارلىق نەسيە الۋعا ۇگىتتەگەن.
ء«ار ءتۇرلى سىلتاۋلارمەن ازاماتتاردىڭ جەكە كۋالىك, بانك كارتالارى دەرەكتەرىن يەمدەنىپ, ولاردىڭ اتىنا ءار ءتۇرلى مقۇ ونلاين-قارىزدارىن راسىمدەگەن. قازىرگى ۋاقىتتا قر قك 190-بابى 2-بولىگى بويىنشا تەرگەۋ امالدارى جۇرگىزىلۋدە. كۇدىكتى وسىعان ۇقساس 6 ىسكە قاتىسى بار بولعانى دالەلدەدى. ج. ەسىمدى ازاماتشانىڭ ءىس-ارەكەتىنەن كەلگەن جالپى شىعىن شامامەن 1 ميلليون تەڭگەنى قۇرادى», دەدى المالى اۋداندىق پوليتسيا باسقارماسىنىڭ باستىعى ەسەن ىسقاقوۆ.
الماتى پوليتسەيلەرى اقپاراتتىق تەحنولوگيالاردى پايدالانا وتىرىپ جاسالاتىن قۇقىق بۇزۋشىلىقتارعا قارسى كۇرەس جونىندەگى شارالاردىڭ تيىمدىلىگىن ارتتىرۋعا باعىتتالعان «Anti-Fraud» رەسپۋبليكالىق وپەراتسياسىن ىسكە اسىرۋدا. جاتتىعۋ 9 تامىزدا باستالىپ, 15-ءشى تامىز كۇنى اياقتالدى.
«وپەراتسيا بارىسىندا قامالعاندار قاتارىندا الماتى وبلىسىنىڭ تۋماسى, 31 جاستاعى ا. ەسىمدى ازامات تۇتقىندالدى. ول دا ادامداردى الداپ, ولاردىڭ اتىنا شاعىن نەسيە راسىمدەگەن. قازىرگى ۋاقىتتا قر قك 190-بابى 2-بولىگى بويىنشا تەرگەۋ امالدارى جۇرگىزىلۋدە. كۇدىكتى وسىعان ۇقساس تاعى 8 قىلمىس جاساعانى ءۇشىن سوتتالدى», دەپ اتاپ ءوتتى الماتى قالاسى پد كريمينالدىق پوليتسيا باسقارماسىنىڭ باستىعى قۋاتبەك ناۋاتوۆ.
