مەن ەلباسى ن.نازارباەۆتىڭ حالىققا ارناعان «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىمەن تانىسىپ, ەل ەكونوميكاسىن, رەسپۋبليكا تۇرعىندارىنىڭ الەۋمەتتىك-تۇرمىستىق جاعدايىن ودان ءارى ىلگەرىلەتۋدى كوزدەيتىن باستى قۇجات رەتىندە قابىلدادىم.
مەن ەلباسى ن.نازارباەۆتىڭ حالىققا ارناعان «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىمەن تانىسىپ, ەل ەكونوميكاسىن, رەسپۋبليكا تۇرعىندارىنىڭ الەۋمەتتىك-تۇرمىستىق جاعدايىن ودان ءارى ىلگەرىلەتۋدى كوزدەيتىن باستى قۇجات رەتىندە قابىلدادىم. وسى جولى دا پرەزيدەنت قازاقستاندىقتاردىڭ ارمان-ماقساتىن ءبىرىنشى ورىنعا قويا وتىرىپ قالىپتاسقان مەملەكەتتىڭ ۇزاقمەرزىمگە باعدارلانعان ساياسي قادامدارىن كەزەڭ-كەزەڭگە ءبولىپ قاراستىرۋىنان-اق مەملەكەتتىلىگىمىزدىڭ, ۇلتتىق ەكونوميكامىزدىڭ, ازاماتتىق قوعامىمىزدىڭ ناقتى دامۋ جولىن اڭعارامىز. ءبىزدى جاھاندىق داعدارىستاردىڭ سالدارىنان الەمنىڭ ءار تۇكپىرىندە بولىپ جاتقان قارجىلىق داعدارىستار ۇرەيلەندىرمەيدى.
ەلباسى ءار جولداۋىندا ۇلت دەنساۋلىعى تابىستى بولاشاعىمىزدىڭ نەگىزى ەكەنىن ۇنەمى ايتىپ, سالاماتتى ءومىر سۇرۋگە ۇندەپ كەلەدى. بۇل ورايدا, دەنەشىنىقتىرۋ مەن سپورت ۇلت دەنساۋلىعىنىڭ كىلتى ەكەنىن ەشكىم جوققا شىعارماسا كەرەك. بۇگىندە وبلىس تۇرعىندارىنىڭ تورتتەن ءبىرى بۇقارالىق سپورتتىق شارالارمەن قامتىلعان. جۇرەك-قان تامىرلارى, تۋبەركۋلەز سەكىلدى اسا قاۋىپتى اۋرۋلاردىڭ ازايا تۇسكەنى, انا مەن بالا ءولىمىنىڭ تومەندەگەنى بايقالادى. مۇنىڭ ءبارى مەديتسينالىق كومەكتىڭ قولجەتىمدىلىگىن كەڭەيتۋگە باعىتتالعان شارالاردىڭ ناقتى جەمىسى ەكەنى داۋسىز.
مۇنىڭ الدىنداعى جولداۋلاردا 2015 جىلعا تامان قازاقستاندىقتاردىڭ ءومىر جاسىنىڭ كۇتىلەتىن ۇزاقتىعىن 70 جاسقا دەيىن, ال 2020 جىلعا قاراي 72 جاسقا دەيىن ۇلعايتۋ كوزدەلسە, ەندى 80 جاسقا, ودان ءارى دە عۇمىر كەشۋ مۇمكىندىكتەرىنىڭ اتالۋى وتە قۇپتارلىق. مەنىڭشە, باقىتتى قارتتىقتى باستان وتكەرۋدىڭ بىردەن-ءبىر جولى, ەلباسىمىز اتاپ وتكەندەي, وتە ماڭىزدى ماقسات. وعان قول جەتكىزەتىن كۇن دە الىس ەمەس. جىل وتكەن سايىن ەلىمىزدە دەنساۋلىق, سپورتتىق نىساندار سالۋ, وسى زامانعى قۇرال-جابدىقتار ورناتۋ جايى جاقسارىپ كەلەدى.
سپورت پەن حالىق دەنساۋلىعى قازاقستاننىڭ ءوزىنىڭ ستراتەگيالىق ماقساتتارىنا جەتۋدەگى تابىسىنىڭ اجىراماس قۇرامى ەكەنىن ەلباسى كەزەكتى جولداۋىندا تاعى ءبىر ايقىنداپ بەردى.
اندرەي گلىۆياك,
گىر سپورتىنان اعا جاتتىقتىرۋشى.
سولتۇستىك قازاقستان وبلىسى.
