قوعام • 16 تامىز، 2021

جەمقورلىق: الماتىدا تاعى ءبىر شەنەۋنىك سوتتالدى

168 رەت كورسەتىلدى

الماتىدا اشم وسىمدىكتەر كارانتينى جانە فيتوسانيتاريالىق باقىلاۋ بەكەتتەرى جونىندەگى ايماقتىق ينسپەكتسياسىنىڭ بولىمىنىڭ ەكس-باسشىسى 7 جىلعا باس بوستاندىعىنان ايىرىلدى. بۇل تۋرالى مەدەۋ اۋدانىنىڭ №2 سوتى  حابارلادى، دەپ جازادى Egemen.kz.

وعان بوپسالاۋ ارقىلى بىرنەشە رەت پارا الدى دەگەن ايىپ تاعىلدى.

سوت حابارلاماسىنا سايكەس، ايىپتالۋشى فيتوسانيتاريا سەرتيفيكاتتارى مەن باسقا دا قاجەتتى قۇجاتتاردىڭ جوقتىعى ءۇشىن جاۋاپكەرشىلىككە تارتىلۋى ءتيىس ادامداردان اقشالاي جانە زاتتاي پارا العان.

ەكس-شەنەۋنىك العان پارانىڭ جالپى سوماسى 157 580 تەڭگەنى قۇرادى.

ايىپتالۋشى كىناسىن مويىندامادى، دەگەنمەن، سوتتىڭ مالىمەتىنشە، قىلمىس ءار ءتۇرلى دالەلدەمەلەرمەن راستالعان. پروكۋرور ونى 8 جىلعا باس بوستاندىعىنان ايىرۋدى سۇرادى.

سوت دەپارتامەنتتىڭ ەكس-باسشىسىن پارا العانى ءۇشىن كىنالى دەپ تاپتى.

«بەلگىلى ءبىر لاۋازىمداردى اتقارۋ مەن بەلگىلى ءبىر قىزمەتپەن اينالىسۋ قۇقىعىنان ءومىر بويىنا ايىرا وتىرىپ، ورتاشا قاۋىپسىزدىگى بار تۇزەۋ مەكەمەسىندە 7 جىلعا باس بوستاندىعىنان ايىرۋ جازاسى تاعايىندالدى»، دەلىنگەن حابارلامادا.

سوت جەڭىلدەتەتىن ءمان-جاي رەتىندە سوتتالۋشىنىڭ قىلمىستىق جاۋاپكەرشىلىككە العاش رەت تارتىلعانىن ەسكەردى. مەملەكەتتىك قىزمەتشى انتى مەن كاسىبي انتتى بۇزۋى اۋىرلاتاتىن ءمان-جاي دەپ تانىلدى.

ۇكىم زاڭدى كۇشىنە ەنگەن جوق.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:40

847 ادام كوروناۆيرۋس جۇقتىردى

كوروناۆيرۋس • بۇگىن، 09:00

ۇقساس جاڭالىقتار