بۇل تۋرالى kokshetau.asia سايتى مالىمدەدى.
جەرگىلىكتى سايتتىڭ حابارلاۋىنشا, وبلىستىق اۋىل شارۋاشىلىعى باسقارماسىنىڭ باسشىسى ديماش تالاسباەۆ الماتى قالاسىندا كەلىسىلگەن سومانىڭ جارتىسىن - 13 ملن تەڭگەنى العان كەزدە ۇستالعان. پارانىڭ جالپى سوماسى شامامەن 30 ملن تەڭگەنى قۇراۋى ءتيىس ەدى.
ديماش تالاسباەۆ اقمولا وبلىسى اۋىل شارۋاشىلىعى باسقارماسىنىڭ باسشىسى بولىپ 2020 جىلدىڭ ءساۋىر ايىندا تاعايىندالدى.
ال تالاسباەۆ ديماش امانجول ۇلى 1969 جىلى كوكشەتاۋ وبلىسى, رۋزاەۆ اۋدانى, رۋزاەۆكا اۋىلىندا تۋعان. 1994 جىلى كوكشەتاۋ اۋىلشارۋاشىلىق ينستيتۋتىن «عالىم-اگرونوم» ماماندىعى بويىنشا بىتىرگەن. 2006 جىلى «فەميدا» زاڭ اكادەمياسىن «زاڭگەر» ماماندىعى بويىنشا تامامداعان. 2018 جىلى گۋمانيتارلىق-تەحنيكالىق اكادەميانى ءبىتىرىپ, ەكونوميكا ماگيسترى دارەجەسىنە يە بولعان. ۇيلەنگەن, ءۇش بالا تاربيەلەپ وتىر.
ەسكە سالا كەتەيىك, 2020 جىلدىڭ قازان ايىندا اقمولا وبلىسىنىڭ مادەنيەت, ارحيۆتەر جانە قۇجاتتاما باسقارماسىنىڭ باسشىسى رۋستام بيكەنەۆ ءىرى كولەمدە بىرنەشە رەت پارا العانى ءۇشىن 7 جىلعا باس بوستاندىعىنان ايىرىلدى. 2021 جىلدىڭ ءساۋىر ايىندا اقمولا وبلىسى دەنساۋلىق ساقتاۋ باسقارماسىنىڭ باسشىسى سۇلەن ءىلياسوۆ وزىنە سەنىپ تاپسىرىلعان م ۇلىكتى قىزمەت بابىن پايدالانا وتىرىپ اسا ءىرى مولشەردە جىمقىردى دەگەن ايىپپەن قاماۋعا الىندى.
