ىشكى ىستەر مينيسترلىگىنىڭ رەسمي وكىلى ءنۇردىلدا ورازدىڭ ايتۋىنشا, تەڭىز پورتىندا فەلدشەر بولىپ جۇمىس ىستەيتىن 21 جاستاعى جەرگىلىكتى تۇرعىن جولاۋشىلارعا جالعان پتر انىقتاماسىن ساتقان.
«جالعان انىقتامانىڭ باعاسى 3-10 مىڭ تەڭگە ارالىعىندا بولدى. تۇرعىلىقتى جەرىندە تەرگەۋ ارەكەتتەرىن جۇرگىزۋ كەزىندە كۇدىكتىدەن 48 جالعان پتر تەستى, قۇجاتتاردى دايىنداۋدا قولدانىلعان, ىسكە اسىرۋعا دايىن باسقا دا كەڭسە جابدىقتارى الىندى», دەدى ول.
بۇل فاكتى بويىنشا تەرگەۋ باستالدى, ونىڭ بارىسىندا تەرگەۋ كۇدىكتىنىڭ قىلمىستىق ارەكەتىنىڭ ناقتى اۋقىمىن جانە مەملەكەتتىك شەكارانى كەسىپ وتكەن ادامداردىڭ سانىن انىقتاۋعا ءتيىس.
ىشكى ىستەر مينيسترلىگى جالعان قۇجات جاساعانى ءۇشىن قىلمىستىق جاۋاپكەرشىلىك ءتورت جىلعا دەيىن باس بوستاندىعىنان ايىرۋ تۇرىندە, ال ونى قولدانعانى ءۇشىن 40 تاۋلىككە دەيىن قاماۋعا الۋ تۇرىندە جازا قاراستىرىلعانىن ەسكە سالدى.
