«قازسۋشار» رمك اتىراۋ فيليالىنىڭ ديرەكتورى اسلانبەك رىسجانوۆتىڭ مالىمەتىنشە, كاسىپورىنعا قاراستى 14 سۋارۋ-سۋلاندىرۋ جۇيەسى كومۋنالدىق مەنشىككە وتكەن. ماحامبەت اۋدانىنداعى العا-ەگىز, سارى-وزەك, قۇرساي, 7-اۋىل-ايسارى, يندەر اۋدانىنداعى العاباس-جورىق كانالدارىنا كۇردەلى جوندەۋ جۇمىستارى جۇرگىزىلىپ جاتىر.
«قازىر اتالعان نىساندارداعى قۇرىلىس جۇمىسى اياقتالۋعا تايادى. كانالدار جىل اياعىنا دەيىن پايدالانۋعا بەرىلەدى. جاساقتالعان جوباعا سايكەس كانالداردىڭ بىتەلگەن ارنالارى ارشىلدى. كانال جولدارى توپىراقپەن كوتەرىلىپ, بەكىتىلدى. ەسكى جۇزبەلى ناسوس ستانسالار, ترانسفورماتورلار جاڭاسىنا اۋىستىرىلدى. سونداي-اق كانال بويىنداعى سۋ رەتتەگىش گيدروتەحنيكالىق قۇرىلىستار كۇردەلى جوندەۋدەن وتكىزىلدى. كەيبىرەۋى جاڭادان سالىندى. كۇردەلى جوندەۋدەن وتكىزىلگەن كانالداردا سۋ بەرۋ بۇرىنعى جىلدارمەن سالىستارعاندا ءبىراز جاقساردى. اۋىل شارۋاشىلىعى تاۋارلارىن وندىرۋشىلەردىڭ سۇرانىسىنا سايكەس, سۋ ۇزدىكسىز بەرىلۋدە. ال نىسانداردىڭ قۇرىلىسىن تولىقتاي ءبىتىرۋ 2021 جىلدىڭ اياعىنا جوسپارلانىپ وتىر», دەيدى فيليال ديرەكتورى اسلانبەك رىسجانوۆ.
