بۇگىنگىدەي قيىن ۋاقىتتا بيزنەستى قولداۋ ءۇشىن وسىنداي شەشىم شىققان ەدى. الايدا, كوپ ۇزاماي كاسىپكەرلەر كليەنتتەرىن ارنايى قوسىمشا ارقىلى تەكسەرۋدى توقتاتتى. وبلىستىڭ «قىزىل» ايماققا وتكەنىن ەلەمەي, جۇرتقا جۇيەنى قالاي الداپ, اينالىپ وتۋگە بولاتىنىن اشىق ايتا باستادى.
«بۇگىن رەستوراتورلارمەن كەزدەسكەندە نە جاۋاپكەرشىلىكپەن جۇمىس ىستەيسىڭدەر, نە مۇلدەم جۇمىستى توقتاتاسىڭدار دەپ ماسەلەنى توتەسىنەن قويدىم», دەدى وبلىس باسشىسى.
ايماق اكىمى رەستوراندار جۇمىستارىن جالعاستىرۋ ءۇشىن قاتاڭ تۇردە «Ashyq» جۇيەسى ارقىلى جۇمىس ىستەپ, كەلگەن قوناقتاردىڭ مارتەبەسىن شىن تەكسەرۋلەرى ءتيىس ەكەنىن تاعى ەسكەرتتى. سونداي-اق ولار كليەنتتەردىڭ ەپيدەميولوگيالىق جاعدايىن تەكسەرۋ ءۇشىن قوعامدىق باقىلاۋدى ۇيىمداستىرۋعا مىندەتتى, مەرەكەلىك ءىس-شارا وتكىزەتىندەرى جونىندە ەكى تاۋلىك بۇرىن اكىمدىكتەرگە ەسكەرتىپ, مىندەتتەمە الۋلارى كەرەك.
ء«بىز وسىلاي عانا ناۋقاس اداممەن بايلانىستا بولعانداردىڭ سانىن ناقتىلاي الامىز. كارانتين تالاپتارىن بۇزسا جانە مەيرامحانالارعا كەلگەن قوناقتاردىڭ جاپپاي ۆيرۋس جۇقتىرعانى انىقتالسا, ەڭ قاتاڭ شارا قولدانىلادى», دەدى دانيال احمەتوۆ.
كەڭەس قورىتىندىسى بويىنشا مەموراندۋم دايىنداۋ جونىندە شەشىم قابىلداندى. وعان جۇمىستى جالعاستىرعىسى كەلەتىن جانە قوعام الدىندا جاۋاپ بەرۋگە دايىنمىن دەگەن رەستوران قوجايىندارى قول قويادى.
