بعم ءبىلىم بەرۋ مازمۇنىن ساراپتاۋ رەسپۋبليكالىق عىلىمي-پراكتيكالىق ورتالىعىنىڭ ديرەكتورى ەلدوس نۇرلانوۆ جاڭا «الىپپە» قازاق لينگۆيستيكاسىنىڭ نەگىزىن قالاۋشى احمەت بايتۇرسىنوۆتىڭ ادىستەمەسىمەن شىعارىلعانىن العا تارتتى.
سالماعى 300 گرامم بولاتىن كىتاپ بەتىن قازاقستاندىق ءبىرىنشى سىنىپ وقۋشىلارى 1 قىركۇيەكتەن باستاپ اشا الادى.
«جاڭا «الىپپەنى» قۇراستىرۋ كەزىندە ارىپتەردىڭ كەزەكتىلىگى مەن باسقا دا تاسىلدەر ساقتالدى. ارينە, مۇنىڭ ءبارى زاماناۋي تەحنولوگيالار مەن جەتىستىكتەرگە بايلانىستى», دەدى ەلدوس نۇرلانوۆ.
ءداستۇرلى «بۋكۆارمەن» قوشتاسۋ مەكتەپتەرگە قايتا ورالادى.
«2016 جىلى ءبىلىم بەرۋ رەفورماسى بولىپ, اتالعان ءپاننىڭ وقۋ ماقساتتارى كۇردەلەنە ءتۇستى. ءبىز جاس مەملەكەتپىز, قادامدار مەن رەفورمالار جۇرگىزۋدەمىز, ولاردىڭ بارلىعى ءساتتى بولا بەرمەيدى. وكىنىشكە قاراي, «ساۋات اشۋدا» ءبىز بۇل سيمۆولدى جوعالتىپ الدىق, ياعني «الىپپە» - بۇل بالانىڭ مەكتەپتەگى العاشقى كىتابى. ول جاڭا ءبىلىم بەرۋ باعدارلاماسىنا نەگىزدەلگەن. كىتاپتىڭ جاڭا نۇسقاسى جەڭىلدەتىلدى. ماقساتى - بالانى وقۋ مەن جازۋعا تالپىندىرۋ. كىتاپ ەڭ الدىمەن ءسوز, بۋىن, دىبىس دەگەن نەگىزگى ۇعىمدارمەن تانىستىرادى, سودان كەيىن عانا 13-ساباقتا «ا» ارىپىنە جەتەدى. سونان سوڭ - «ر». ارىپتەردى وقىتۋدىڭ بۇل ءتاسىلى احمەت بايتۇرسىنوۆقا تيەسىلى. الدىڭعى نۇسقادا باسقا ءتارتىپ بولدى. عالىمداردىڭ ايتۋىنشا, ءدال وسى ءتارتىپ ءبىزدىڭ ءتىلىمىز ءۇشىن اناعۇرلىم تابيعي», دەدى ەلدوس نۇرلانوۆ.
