شقو ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسىنىڭ باسشىسى المات اقىشوۆ وبلىس اكىمى دانيال احمەتوۆكە حالىقتى تازا اۋىز سۋمەن قامتۋ جۇمىستارى جونىندە ەسەپ بەردى.
«بيىل سۋمەن جابدىقتاۋ جۇيەسىنە قاتىستى 110 جوبا ىسكە اسىرىلۋدا. وسى جىلدىڭ سوڭىنا دەيىن 98 نىساندى پايدالانۋعا بەرۋ جوسپارلانعان. سونىڭ ناتيجەسىندە, 50 مىڭ تۇرعىن تازا اۋىز سۋمەن قامتاماسىز ەتىلەدى», دەدى ول.
ايماق باسشىسى كەڭەس سوڭىندا المات اقىشوۆكە ەلەكتر, سۋ جانە جىلۋمەن قامتۋ جۇيەلەرىنىڭ قۇرىلىسى مەن دايىندىعىن باقىلاۋدا ۇستاۋدى تاپسىردى.
«جۋىقتا سەمەي قالاسىنىڭ ىرگەسىندە جانە التاي بەسقاراعاي, كوكپەكتى, كاتونقاراعاي اۋداندارىندا سالىنىپ جاتقان سۋمەن جابدىقتاۋ نىساندارىنىڭ قۇرىلىسىن تەكسەردىم. جۇمىستار كەستەگە سايكەس ءجۇرىپ جاتىر. سونداي-اق ءار اۋداننىڭ جىلىتۋ ماۋسىمىنا جاۋاپتى شتاب وكىلدەرىمەن جيىن وتكىزۋدەمىز», دەدى باسقارما باسشىسى ءوز ەسەبىندە.
