Act Accelerator COVID-19-بەن كۇرەسۋ قۇرالدارىنا قول جەتىمدىلىكتى جەدەلدەتۋ باستاماسىنىڭ جەتەكشىسى بريۋس ەيلۆارد كوروناۆيرۋسقا قارسى ۆاكتسينالارعا قولجەتىمدىلىكتىڭ تەڭسىزدىگىن «ۇيات» دەپ اتاپ, ساياسي كوشباسشىلار مەن بيزنەس-ماگناتتاردى كەدەي ەلدەردى ۆاكتسينامەن قامتۋعا شاقىردى.
اتاپ ايتقاندا, ول الەمنىڭ ەڭ ىقپالدى 20 كوشباسشىسىن قىركۇيەك ايىنىڭ سوڭىنا دەيىن تەڭسىزدىك ماسەلەسىن شەشىپ, الەمنىڭ ءار ەلىندەگى حالىقتىڭ 10 پايىزىن ۆاكتسيناتسيالاۋعا شاقىردى.
AFP باعالاۋى بويىنشا, بۇكىل الەمدە شامامەن 4,5 ميلليارد ۆاكتسينا دوزاسى قولدانىلعان. حالىقارالىق بانكتىڭ مالىمەتتەرىنە سايكەس, كىرىسى جوعارى ەلدەردە 100 ادامعا شاققانداعى دوزا سانى 104-ءتى قۇرايدى, ال كىرىسى تومەن 29 ەلدە 100 ادامعا ەكى دوزادان كەلەدى.
