اتىراۋ قالالىق اكىمدىگى ءباسپاسوز قىزمەتىنەن ءمالىم ەتكەندەي, 13 تامىزدا جوندەۋ جۇمىستارىنا بايلانىستى «بالىقشى-جۇمىسكەر» باعىتىنداعى كوپىردە اۆتوكولىك قوزعالىسىن توقتاتۋ كوزدەلىپ وتىر.
«جوندەۋ كەزىندە كوپىر قۇرىلىمىنىڭ دەفورماتسيالىق قوسىلىستارىن دەمونتاجداۋ جانە اۋىستىرۋ, سونداي-اق قوزعالىس قاۋىپسىزدىگىن قامتاماسىز ەتۋ ماقساتىندا شۇڭقىرلاردى جاماۋ جوسپارلانىپ وتىر. قايتا جاڭارتۋ جۇمىستارىنا بايلانىستى قۇنانباەۆ كوشەسىنەن باستاپ «بالىقشى-زاروسلىي» باعىتىمەن قاتىنايتىن تاس جولدا اۆتوكولىك قوزعالىسى توقتاتىلادى. وسى ورايدا, اۆتوكولىك جۇرگىزۋشىلەرى قالا جولدارىندا كەپتەلىس تۋدىرماۋ ءۇشىن قوزعالىس باعىتىن الدىن الا جوسپارلاۋى قاجەت», دەپ حابارلادى اكىمدىكتىڭ ءباسپاسوز قىزمەتى.
