وتىرعىزۋ كولەمى جىل سايىن 2021 جىلعى 129,7 ملن اعاشتان 2025 جىلى 642,8 ملن اعاشقا دەيىن ۇلعاياتىن بولادى.
جوبانى جۇزەگە اسىرۋ ءۇشىن مينيسترلىكتىڭ بارلىق وبلىس پەن ۆەدومستۆولىق باعىنىستى مەكەمەسىندە ورمانداردى مولىقتىرۋ مەن ورمان ءوسىرۋدىڭ 5 جىلدىق كەشەندى جوسپارلارى بەكىتىلدى. ولاردى ازىرلەۋ كەزىندە قولدانىستاعى پيتومنيكتەردىڭ جانە كوشەت وسىرەتىن ۇيىمداردىڭ مۇمكىندىگىنە تالداۋ جاسالدى. وڭىرلەردە وتىرعىزىلاتىن ماتەريال جەتكىلىكسىز بولسا, جوسپارلى پيتومنيكتەردى كەڭەيتۋ جانە ۋاقىتشا پيتومنيكتەر قۇرۋ كوزدەلگەن. سونداي-اق ورمان داقىلدارىنىڭ تۇقىمىن جيناۋ كورسەتكىشى دە ەسكەرىلدى. جوباعا 200-دەن استام ورمان پيتومنيگى مەن باسقا دا ۇيىمدار قاتىسادى.
بۇگىنگى تاڭدا قازاقستاندا ورمان داقىلدارىنىڭ كوشەتىن كوبەيتۋ مەن ءوسىرۋدى جۇزەگە اسىراتىن 44 تۇراقتى جانە 158 ۋاقىتشا پيتومنيك پەن ۇيىم جۇمىس ىستەيدى. ولاردىڭ قورىندا قاراعاي, شىرشا, بالقاراعاي, قايىڭ, شەگىرشىن, سەكسەۋىل, ۇيەڭكى, شاعان, ەمەن جانە باسقا دا اعاش تۇرلەرىنىڭ 1-3 جاستاعى 165,5 ملن دانا كوشەتى بار. ءبارى - وتاندىق ونىمدەر.
ايتا كەتەيىك, جوبا اياسىندا شامامەن 610 مىڭ دانا سەكسەۋىل , 555 مىڭنان استام قاراعاي. 193 مىڭنان استام ۇيەڭكى, 132 مىڭنان استام شەگىرشىن, 100 مىڭنان استام قايىڭ جانە باسقا دا اعاش تۇرلەرىن وتىرعىزۋ جوسپارلانعان.
