سوزاق اپب-نىڭ كەزەكشى بولىمىنە جەرگىلىكتى پوليتسيا قىزمەتىنىڭ ۋچاسكەلىك ينسپەكتورىنان ەسىرتكى زاتتارىن ساقتاۋداعى كۇدىكتىنىڭ ۇستالعانى تۋرالى حابارلاما ءتۇستى. كۇدىكتى جۇمىس ىستەپ جاتقان جانارماي بەكەتىنىڭ بىرىنە بارعان ۋچاسكەلىك پوليتسەي ەسىرتكى زاتى سالىنعان تۇيىنشەكتى تاۋىپ الادى.
الىنعان زاتتاي دالەلدەمەلەر ساراپتاماعا جىبەرىلدى. ساراپتاما قورىتىندىسىنا سايكەس, ەسىرتكى زاتىنىڭ جالپى سالماعى 2 گرامنان اساتىن «ماريحۋانا» ەسىرتكىسى بولىپ شىقتى. اتالعان جايت قر قك-ءنىڭ 296-بابى (ەسىرتكى, پسيحوتروپتىق زاتتارمەن, سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ) بويىنشا سدتبت-عا تىركەلدى.
كۇدىكتى قاماۋعا الىندى. قازىرگى كەزدە وقيعانىڭ بارلىق ءمان-جايى انىقتالۋدا.
