قازىر سوتقا دەيىنگى تەرگەۋ امالدارى ءجۇرىپ جاتىر.
الدىن الا بولجام بويىنشا, وقيعا 9 تامىز ساعات 18:30-دا بايتەرەك اۋدانىنداعى اۋىلداردىڭ بىرىندە بولعان. بىرگە ىشىمدىك ىشكەن ەكەۋدىڭ اراسىندا جانجال باستالعان. بۇل تۋرالى بقو پوليتسيا دەپارتامەنتىنىڭ گەنەرال-مايورى ماحسۋدحان ابلازيموۆ ايتتى.
«1960 جىلى تۋعان ازاماتتىڭ مۇردەسىن ت. ەسىمدى ازامات تاۋىپ الىپ, بۇل تۋرالى پوليتسياعا حابارلاعان. پوليتسيانىڭ ارنايى قۇرامى وسى وقيعا بويىنشا جەدەل ىزدەستىرۋگە كىرىسىپ, كۇدىكتىنى قولعا ءتۇسىردى. شىندىقتى جاسىرىپ, تەرگەۋدى باسقا جاققا بۇرماق بولعان ونىڭ ە. ەسىمدى ۇلى اناسىن ءولتىردى دەگەن كۇدىككە ءىلىندى. ءمان-جايدى انىقتاۋ بارىسىندا كۇدىكتى مەن ونىڭ اناسىنىڭ اراسىندا جانجال تۋىنداعانى, سوسىن ونىڭ كەۋدە تۇسىنا اۋىر جاراقات سالعانى انىقتالدى. ايەل العان جاراقاتىنان قايتىس بولعان», دەيدى گەنەرال-مايور.
اتالعان فاكتى بويىنشا قر قىلمىستىق كودەكسىنىڭ 106-بابى 3-بولىگى بويىنشا سايكەس سوتقا دەيىنگى تەرگەۋ باستالدى.
