كەشە استانادا «KAZENERGY» قاۋىمداستىعى كەڭەسىنىڭ 15-ءشى وتىرىسى ءوتتى. كەڭەسكە قاۋىمداستىقتىڭ جەتەكشىسى تيمۋر ق ۇلىباەۆ توراعالىق ەتتى.
كەشە استانادا «KAZENERGY» قاۋىمداستىعى كەڭەسىنىڭ 15-ءشى وتىرىسى ءوتتى. كەڭەسكە قاۋىمداستىقتىڭ جەتەكشىسى تيمۋر ق ۇلىباەۆ توراعالىق ەتتى.
وتىرىسقا پرەمەر-مينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ, مۇناي جانە گاز ءمينيسترى ۇزاقباي قارابالين, قورشاعان ورتا جانە سۋ رەسۋرستارى ءمينيسترى نۇرلان قاپپاروۆ, ەكونوميكا جانە بيۋدجەتتىك جوسپارلاۋ ءمينيسترى ەربولات دوساەۆ پەن بىرقاتار ۆەدومستۆو باسشىلارى مەن ءماجىلىس دەپۋتاتتارى قاتىستى. كەڭەستە قازاقستان اۋماعىندا جۇمىس ىستەيتىن ءارى قاۋىمداستىق قاتارىنا قابىلدانعان ءىرى وتاندىق جانە شەتەلدىك مۇناي-گاز بەن ەنەرگەتيكا كومپانيالارىنىڭ باسشىلارىنان قۇرىلعان كونسۋلتاتيۆتىك كەڭەس ورگانىنىڭ مۇشەلەرى بولدى. سونداي-اق, وتىرىسقا استانادا ىسساپارمەن جۇرگەن حالىقارالىق ەنەرگەتيكالىق اگەنتتىكتىڭ اتقارۋشى ديرەكتورى ماريا ۆان دەر حوۆەن ارنايى كەلىپتى.
جينالىستى اشقان توراعا قاۋىمداستىقتىڭ ەنەرگەتيكا سالاسىندا وسىعان دەيىن اتقارعان جۇمىستارىنا توقتالىپ, كۇن تارتىبىندەگى تاقىرىپتى بىرلەسە تالقىلاۋعا شاقىردى. ءسويتىپ, بۇگىنگى تاڭدا قاۋىمداستىق ەنەرگەتيكالىق ماسەلەلەر بويىنشا حالىقارالىق شارالارعا بەلسەنە اتسالىسىپ جۇرگەنىن تىلگە تيەك ەتتى. توراعانىڭ ايتۋىنا قاراعاندا, بيىل قازاقستان تۇڭعىش رەت حالىقارالىق ەنەرگەتيكا كونفەرەنتسياسىنا توراعالىق ەتىپ وتىر ەكەن. وسى ارادا اتالعان كونفەرەنتسياعا قازاقستان تاراپىنان مۇناي جانە گاز ءمينيسترى ۇ.قاراباليننىڭ توراعا بولىپ تاعايىندالعانىن ايتتى.
اسەت يسەكەشەۆ كەڭەس وتىرىسىنا قاتىسۋشىلاردى كەزەكتى يگى شارالارىمەن ۇكىمەت اتىنان قۇتتىقتاپ, ەلىمىزدە ەنەرگەتيكا سالاسىنىڭ دامۋ ۇردىستەرى جونىندە اڭگىمەلەدى. قازاقستاننىڭ بىرتىندەپ «جاسىل ەكونوميكا» مەن «جاسىل ەنەرگەتيكانى» يگەرە باستاعانىن ايتتى. حالىقارالىق تالاپتارعا ساي قۋات كوزدەرىن ءتيىمدى ءارى ۇنەمدەپ پايدالانۋ شارالارى ەلىمىزدە قانات جايىپ كەلە جاتقانىنا باسىمدىق بەردى.
مۇناي جانە گاز ءمينيسترى تابيعي رەسۋرستاردى يگەرۋدە قولدانىلىپ جاتقان جاڭا تەحنولوگيالار مەن سالاداعى عىلىمي نەگىزدەردەگى جەتىستىكتەرگە توقتالدى. ول قازاقستاندا قازىرگى تاڭدا الداعى 50-60 جىلعا جەتەتىن مۇناي مەن گاز انىق بار ەكەنىن ايتتى.
وتىرىستا حالىقارالىق ەنەرگەتيكالىق اگەنتتىكتىڭ اتقارۋشى ديرەكتورى دا بايانداما جاسادى. ول بۇگىنگى كۇندە الەمنىڭ بەت-بەدەرى تەز وزگەرىپ جاتقانىنا توقتالدى. اقش سياقتى كەشەگى ەنەرگيا رەسۋرستارىن يمپورتتاۋشى الپاۋىت ەلدەردىڭ ەندى ەكسپورتتاۋشىعا اينالىپ بارا جاتقانىن ايتتى.
وتىرىستا ەرەكشە نازار اۋدارارلىق تاعى ءبىر وقيعا بولدى. وندا «KAZENERGY» قاۋىمداستىعى دايىنداعان ۇلتتىق ەنەرگەتيكالىق بايانداما رەسمي تۇردە تانىستىرىلدى. ىرگەلى قۇجاتتا مۇناي-گاز سالاسىنا جانە جالپى بۇتىندەي وتاندىق ەنەرگەتيكانىڭ بولاشاقتاعى دامۋىن جوسپارلاۋعا قاجەتتى ەلىمىزدىڭ ەنەرگەتيكالىق بالانسىنىڭ نەگىزگى تەتىكتەرى ايقىندالىپتى.
وتىرىستى قورىتىندىلاعان ت.ق ۇلىباەۆ جيىننىڭ ناتيجەلى وتكەنىن ايتىپ, «KAZENERGY» حالىقارالىق ارەنادا ەل بەدەلىن نىعايتا بەرەتىنىن ءبىلدىردى.
نۇرباي ەلمۇراتوۆ,
«ەگەمەن قازاقستان».
