قازاقستان قارۋلى كۇشتەرى اۋە قورعانىسى كۇشتەرىندە اۆياتەحنيكالار مەن اسكەري قىزمەتشىلەردىڭ جاڭارتىلعان «تالدىقورعان» اسكەري ۇشاقجايىنا قايتا قونىستانۋى باستالدى. جەكە قۇرام مەن اۆياتسيالىق تەحنيكا ۇشۋ الاڭىنىڭ تولىق جوندەلۋىنەن سوڭ تۋعان اۆيابازاعا قايتىپ ورالدى.
قازاقستان قارۋلى كۇشتەرى اۋە قورعانىسى كۇشتەرىندە اۆياتەحنيكالار مەن اسكەري قىزمەتشىلەردىڭ جاڭارتىلعان «تالدىقورعان» اسكەري ۇشاقجايىنا قايتا قونىستانۋى باستالدى. جەكە قۇرام مەن اۆياتسيالىق تەحنيكا ۇشۋ الاڭىنىڭ تولىق جوندەلۋىنەن سوڭ تۋعان اۆيابازاعا قايتىپ ورالدى.
45 جىل بويى پايدالانىلعان اسكەري ۇشاقجايعا ءبىرىنشى رەت قايتا جاڭارتۋ جۇمىستارى جۇرگىزىلدى. قورعانىس ءمينيسترى قازاقستان اسكەري-اۋە كۇشتەرىنىڭ ۇرىسقا قابىلەتتىلىگىنە جانە ءاسكەري اۆياتسيانىڭ ۇشۋ قاۋىپسىزدىگىنە باسا نازار اۋدارىپ وتىرادى. قورعانىس ۆەدومستۆوسى باسشىسىنىڭ تاپسىرماسى بويىنشا قۇرىلىس جۇمىستارى بارىسىندا ۇشۋ-قونۋ الاڭى تولىق اۋىستىرىلدى. الاڭ جاقتاۋلارىنا كۇردەلى مەترولوگيالىق جاعدايلاردا جانە ءتۇن مەزگىلىندە ۇشۋ قاۋىپسىزدىگىن قامتاماسىز ەتەتىن جاڭا جارىق بەرۋشى جابدىقتار ورناتىلدى.
جاڭارتىلعان سوڭ اسكەري ۇشاقجايدىڭ مۇمكىندىگى ارتتى. بۇل سيپاتتامالار ۇشۋ الاڭىنا تەك اسكەري اۆياتسيانى عانا ەمەس, باسقا دا جۇك كوتەرگىشتىگى جوعارى اۋە كەمەلەرىن قابىلداۋعا ءمۇمكىندىك بەردى.
بۇرىن حابارلانعانىنداي, تالدىقورعان گارنيزونىنداعى اسكەري ۇشاقجايدى جوندەۋ جۇمىستارى 2013 جىلعى ءساۋىر ايىندا باستالعان بولاتىن. ءجوندەۋ جۇمىستارى كەزىندە اۆيابازانىڭ جەكە قۇرامى مەن اۆياتسيالىق تەحنيكاسى «جەتىگەن» ۇشاقجايىنا كوشىرىلدى. مۇندا اسكەري قىزمەتشىلەر بەرىلگەن تاپسىرمالار مەن ەلىمىزدىڭ اۋە شەبىن قورعاۋدى جالعاستىردى.
اسكەري ءبولىمنىڭ ۇشۋ جانە تەحنيكالىق قۇرامى نەگىزگى اۆيابازادان جىراقتا جۇرسە دە قازاقستان قارۋلى كۇشتەرى اۆياتسياسى تارتىلعان بارلىق جاتتىعۋلارعا قاتىسۋدا بەلسەندىلىك تانىتتى.
«ەگەمەن-اقپارات».
