ەلوردا • 09 تامىز، 2021

نۇر-سۇلتاندا مۇگەدەك قىزدى زورلاعان ەر ادام ۇستالدى

45 رەت كورسەتىلدى

نۇر-سۇلتان قالاسى پوليتسيا دەپارتامەنتىنىڭ ءباسپاسوز قىزمەتى كوپقاباتتى ۇيلەردىڭ بىرىندەگى پودەزدە 29 جاستاعى قىزدىڭ زورلانعانىن مالىمدەدى، دەپ حابارلايدى Egemen.kz.

ءىnstagram جەلىسىندە جاريالانعان اقپاراتتا وقيعانىڭ كەشە بولعانى ايتىلادى.

«شامامەن ساعات 21:00-دە سارايشىك 5/1 كوشەسىندە قىلمىستىق وقيعا ورىن الدى. كۋاگەرلەردىڭ ايتۋىنشا، 40-50 جاس شاماسىنداعى ماس ادام مۇگەدەك قىزدى زورلاماق بولعان. وقيعا ورنىندا بولعانداردىڭ ايتۋىنشا، قىز تسەرەبرالدى سال اۋرۋىنا شالدىققان»، دەپ جازىلعان الەۋمەتتىك جەلىدە.

بۇل مالىمەتتى نۇر-سۇلتان قالاسى پولتسيا دەپارتامەنتىنىڭ ءباسپاسوز قىزمەتى راستادى.

«پوليتسياعا ءۇيدىڭ 29 جاستاعى تۇرعىنىن ءۇي كىرەبەرىسىندە بەلگىسىز ەر ادام زورلاعانى تۋرالى حابارلاما كەلىپ ءتۇستى. پوليتسيا قىزمەتكەرلەرى قىلمىس جاسادى دەگەن كۇدىكپەن 47 جاستاعى ەر ادامدى ۇستادى. اتالعان فاكتى بويىنشا قىلمىستىق ءىس قوزعالىپ، تەرگەۋ امالدارى جۇرگىزىلۋدە. قاجەتتى ساراپتامالار تاعايىندالدى»، دەپ جازىلعان دەپارتامەنتتىڭ رەسمي اقپاراتىندا.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار