گرانتقا ۇمىتكەرلەردىڭ ءوتىنىمىن كوميسسيا مۇشەلەرى قارايدى. كوميسسيا قۇرامىنا مەملەكەتتىك ورگاندار مەن قوعامدىق ۇيىمداردىڭ وكىلدەرى, جۋرناليستەر, «قازاقستان ستۋدەنتتەرى اليانسى», وتانداستار قورىنىڭ وكىلدەرى كىردى. ودان كەيىن تالاپكەرلەردىڭ ۇبت-دا جيناعان بالدارىنا جانە بەكىتىلگەن ەرەجەلەرگە سايكەس كونكۋرستىق نەگىزدە گرانتتار تاعايىندالاتىن بولادى.
پرەزيدەنتتىڭ تاپسىرماسى بويىنشا گرانتتاردىڭ جالپى سانى 5 مىڭعا ارتىپ وتىر. ياعني, وتكەن جىلى ءبىلىم بەرۋ گرانتتارىنىڭ سانى 51 مىڭ بولسا, بيىل 56 مىڭعا دەيىن ارتتى. سونداي-اق گرانت ءبولۋ كەزىندە العاش رەت ازاماتتاردىڭ الەۋمەتتىك وسال ساناتتارى ءۇشىن كۆوتا كوزدەلگەن.
بيىل ءبىلىم بەرۋ گرانتىن تاعايىنداۋ كونكۋرسىنا قاتىسۋ ءۇشىن بارلىعى 75 مىڭنان استام ءوتىنىم ءتۇستى, بۇل 2020 جىلمەن سالىستىرعاندا 13 مىڭعا ارتىق.
مەملەكەتتىك ءبىلىم بەرۋ گرانتىن تاعايىنداۋ كونكۋرسىنىڭ ناتيجەسىن 15 تامىزعا دەيىن جاريالاۋ جوسپارلانىپ وتىر.
