قالا اكىمى اي سايىن تۇرعىنداردى جەكە ماسەلەلەرى بويىنشا ونلاين قابىلداسا, اپتا سايىن ءتۇرلى تاقىرىپتا ءوزىنىڭ پاراقشاسىندا تىكەلەي ەفيرگە شىعىپ تۇرادى. جىل باسىنان بەرى 11 رەت تىكەلەي ەفيرگە شىققان بولسا, اكىم جانە ونىڭ ورىنباسارلارى 70 رەت ونلاين كەزدەسۋ وتكىزىپ, 555 تۇرعىندى قابىلداعان.
ودان بولەك سوڭعى 2 ايدا اۋدان اكىمدەرى مەن باسقارما باسشىلارى 25 رەت تىكەلەي ەفيرگە شىعىپ, تۇرعىندار ساۋالىنا جاۋاپ بەرگەن. اتقارىلعان جۇمىستار جونىندە ەسەپ بەرىلىپ, جوسپارلار تالقىلانىپ وتىرادى.
وتكەن اپتادا مەگاپوليس باسشىسى تۇرعىن ءۇيدى باسقارۋدىڭ جاڭا تۇرىنە كوشۋدىڭ ارتىقشىلىقتارىن ءتۇسىندىردى. جاڭا زاڭعا سايكەس كوپ قاباتتى تۇرعىن ۇيلەر جاي سەرىكتەستىك نەمەسە م ۇلىك يەلەرىنىڭ بىرلەستىگىن قۇرىپ جاتىر.
اقپاراتتىق تانىمدىق جيەكتى ارتتىرۋ ماقساتىندا بۇگىن اباي اۋدانىنىڭ اكىمى ب.پارمانوۆ @akimat_shymkent اكىمدىكتىڭ ينستاگرامداعى رەسمي پاراقشاسىندا اتالعان تاقىرىپتى كەڭىنەن تارقاتتى. ونىڭ ىشىندە ميب نەمەسە جس قۇرۋ ءۇشىن نە ىستەۋ كەرەك, كىمگە بارۋ كەرەك, قانداي تيىمدىلىگى بار ەكەنى اتاپ ءوتىلدى. ەفير بارىسىندا تۇرعىندار تاراپىنان قويىلعان 70-كە تارتا سۇراققا جاۋاپ بەرىلدى.
