ەلباسىنىڭ قازاقستان حالقىنا جولداۋىندا اۋىل شارۋاشىلىعى قىزمەتكەرلەرىنە دە بيىك مىندەتتەر قويىلعانى بەلگىلى. ەت ەكسپورتىن جولعا قويۋ, اۋىل شارۋاشىلىعىندا وڭدەۋشى كاسىپورىنداردى ىسكە قوسىپ, تۇرعىنداردى ۇن, باسقا دا ازىق-ت ۇلىكپەن قامتاماسىز ەتۋ باستى نازاردا بولۋ كەرەكتىگى تايعا تاڭبا باسقانداي كورسەتىلگەن. ءبىز بۇل باعىتتا ءبىرشاما تابىستارعا جەتتىك دەپ ايتا الامىز.
ەلباسىنىڭ قازاقستان حالقىنا جولداۋىندا اۋىل شارۋاشىلىعى قىزمەتكەرلەرىنە دە بيىك مىندەتتەر قويىلعانى بەلگىلى. ەت ەكسپورتىن جولعا قويۋ, اۋىل شارۋاشىلىعىندا وڭدەۋشى كاسىپورىنداردى ىسكە قوسىپ, تۇرعىنداردى ۇن, باسقا دا ازىق-ت ۇلىكپەن قامتاماسىز ەتۋ باستى نازاردا بولۋ كەرەكتىگى تايعا تاڭبا باسقانداي كورسەتىلگەن. ءبىز بۇل باعىتتا ءبىرشاما تابىستارعا جەتتىك دەپ ايتا الامىز.
«يكەپ» شارۋا قوجالىعىنىڭ قۇرىلعانىنا 10 جىل تولدى. زايسان اۋدانىنداعى مەنىڭ ءىنىم بولات نۇراسىل باسقاراتىن قۇرىلىس كومپانياسىنىڭ جۇمىس ىستەي باستاعانىنا 45 جىلدان استى. «زايسان قۇرىلىس» كومپانياسى دەپ اتالاتىن بۇل مەكەمە بىزدە عانا ەمەس, كورشى اۋدانداردا دا قۇرىلىس سالۋدا. كۇرشىمدە, تارباعاتايدا بىرنەشە قۇرىلىس عيماراتتارىن سالىپ بەردى. قازىر اۋدان ورتالىعىندا 60 پاتەرلى تۇرعىن ءۇي قۇرىلىسىن سالىپ جاتىر. قالجىر وزەنىندە جاڭا كوپىردى, قارويدا دا كوپىردى ساپالى ەتىپ سالىپ بەردى. كومپانيادا بۇگىنگى كۇنى 300-گە تارتا ادام ەڭبەك ەتەدى. ال وسىنشاما ادامدى ازىق-ت ۇلىكپەن قامتاماسىز ەتۋ, ارتىق بولىپ جاتسا اۋدان تۇرعىندارىنا ساتۋ ءبىزدىڭ مىندەتىمىز. ارينە, ول ءۇشىن ىزدەنىس پەن ىلكىمدىلىك قاجەت ەكەنى ءمالىم.
قوجالىقتا 400 ءىرى قارا,130 جىلقى, ءبىر تابىن قوي بار. 270 سيىردىڭ ءسۇتىن اۋدانداعى ءسۇت زاۋىتى ساتىپ الۋدا. بيىل 1070 گەكتارعا ەگىن ەگىپ, گەكتارىنان 17 تسەنتنەردەن ءونىم الدىق. كەسپە تسەحى, ناۋبايحانامىز بار. ەت, ءسۇت, كەسپەنى ءوز جۇمىسشىلارىمىزعا ارزان باعامەن بوساتامىز. وسىدان بىرەر جىل بۇرىن تاۋلىگىنە 120 توننا ۇن تارتاتىن زاۋىتتى پايدالانۋعا بەرگەمىز. ونىڭ يگىلىگىن ءتورت اۋدان جۇرتشىلىعى كورىپ وتىر. زاۋىتقا ىسكەر مامان نۇرتاس بايعوجانوۆ جەتەكشىلىك ەتەدى. 300 توننا بيدايدى كەلەسى جىلعا تۇقىم قورىنا ساقتاپ قويدىق. ءبىز قايىرىمدىلىق شارالارىنا دا قاتىسىپ, تۇرمىسى ناشار وتباسىلارىنا قولعابىس جاساپ وتىرامىز.
ەل تاۋەلسىزدىگىنىڭ 22 جىلدىعى قارساڭىندا قوجالىقتا ەڭبەك ەتەتىن وزاتتارعا قۇرمەت كورسەتتىك, وزاتتاردى ماراپاتتادىق. ۇزاق جىلدار ەڭبەك ەتكەن ازاماتتاردىڭ ەسىمى قۇرمەت كىتابىنا جازىلدى.
تاۋەلسىزدىك – ءتاتتى ۇعىم. ەندەشە, الداعى ۋاقىتتا دا ەگەمەن ەلدىڭ بوساعاسى بەرىك بولىپ, حالىقتار دوستىعى نىعايا بەرسە, قازاقستاننىڭ الەمدەگى وزىق 30 مەملەكەتتىڭ قاتارىنا قوسىلۋىنا كامىل سەنەمىز. سوعان لايىقتى ۇلەس قوسا بەرەمىز.
ومىربەك نۇراسىلوۆ,
«يكەپ» شارۋا قوجالىعىنىڭ توراعاسى.
شىعىس قازاقستان وبلىسى,
زايسان اۋدانى.
