«پتر-انىقتامالارى مەن جالعان ۆاكتسيناتسيا پاسپورتتارىن جاساعان 28 ادام اشكەرەلەندى. سونداي-اق, الەۋمەتتىك جەلىلەرگە مونيتورينگ جۇرگىزۋ كەزىندە جالعان ۆاكتسيناتسيا پاسپورتتارىن جانە پتر-انىقتامالاردى ساتۋ تۋرالى 70 جارنامالىق حابارلاندىرۋ انىقتالدى, ولاردىڭ 37-ءى بۇعاتتالدى», دەپ حابارلادى ءنۇردىلدا وراز ءىىم-دە وتكەن بريفينگتە.
ونىڭ ايتۋىنشا, اتالعان ساناتتاعى ىستەر بويىنشا تەرگەۋ-سوت پراكتيكاسى قالىپتاسىپ زاڭدى كۇشىنە ەنگەن سوت اكتىلەرى بار. قازىرگى تاڭدا ءتورت قىلمىستىق ءىس بويىنشا ايىپتاۋ ۇكىمى شىقتى.
«43 قىلمىستىق ءىس بويىنشا تەرگەۋ ارەكەتتەرى مەن ساراپتامالىق زەرتتەۋلەر جۇرگىزىلۋدە. ولار اياقتالعاننان كەيىن كۇدىكتىلەردىڭ ءىس-ارەكەتتەرىن قۇقىقتىق باعالاي وتىرىپ, ءىس جۇرگىزۋ شەشىمدەرى قابىلدانادى. وسىعان ۇقساس بارلىق قىلمىستىق ىستەردى تەرگەۋ باقىلاۋعا الىندى. ءىىم تاعى دا ازاماتتاردى وزدەرىن قىلمىستىق پروتسەسكە تارتۋعا جول بەرمەۋگە جانە ءوز تۋىستارى مەن جاقىندارىن قورعاۋعا شاقىرادى», دەپ تۇيىندەدى ءىىم وكىلى.
