ماقتاارال اپب-عا «جەتىساي» شەكارالىق باقىلاۋ بولىمشەسىنىڭ قىزمەتكەرلەرىنەن حابارلاما تۇسكەن. وندا قر ازاماتى «DAF» ماركالى جۇك كولىگىمەن وزبەكستان رەسپۋبليكاسىنان ەلگە كىرگەن ازاماتتىڭ قۇجاتىندا ءبىر كىنارات بار ەكەندىگى تۋرالى كورسەتىلگەن. حابارلامانى العان ماقتاارال اپب-نىڭ پوليتسيا قىزمەتكەرلەرىنەن تاجىريبەلى توپ قۇرىلىپ, بىردەن وقيعا ورنىنا كەلدى. وسىلايشا, ەل اۋماعىنا كىرمەك بولعان ازاماتتىڭ قۇجاتتارى مۇقيات تەكسەرىلدى.
ناتيجەسىندە ەر ادامنىڭ جۇرگىزۋشى كۋالىگىنىڭ جالعان ەكەنىن انىقتادى. ءتارتىپ ساقشىلارى اتالعان جايتتى قر قك-ءنىڭ 385-بابى «جالعان قۇجاتتاردى, ءمورتابانداردى, مورلەردi, بلانكىلەردى, مەملەكەتتiك پوشتا تولەمى بەلگىلەرىن, مەملەكەتتiك ناگرادالاردى قولدان جاساۋ, دايىنداۋ نەمەسە وتكiزۋ» بويىنشا سدتتبت-عا تىركەپ, كۇدىككە ىلىنگەن ازاماتتى پب-عا جەتكىزدى.
بەلگىلى بولعانداي كۇدىكتى ازامات بۇعان دەيىن 6 ايعا جۇرگىزۋشى كۋالىگىنەن ايىرىلعان. سودان سوڭ تانىسىنىڭ جۇك كولىگىن ايداپ, جۇرگىزۋشى بولىپ جۇمىس ىستەۋ ماقساتىندا جالعان جۇرگىزۋشى كۋالىگىن جاساتىپ العان. پوليتسەيلەر وسى اتالعان جايتقا بايلانىستى قر قك-ءنىڭ 385-بابى بويىنشا ءىس-قۇجاتتاردى جيناقتاپ, زاڭدى شەشىم قابىلداۋ ماقساتىندا ماقتاارال اۋداندىق سوتىنا جولداندى. قازىرگى تاڭدا سوت كۇدىكتى ازاماتتى كىنالى دەپ تانىپ, 29 170 تەڭگە كولەمىندە ايىپپۇلدى وتەۋ تۋرالى ۇكىم شىعاردى.
