سىقىرلاعان سارى ايازدا ءبىر جاعىنا قاراي قيسايىپ, وكپەسىن زورعا سۇيرەتىپ, ىڭىرانا باسىپ, كوك ءتۇتىنىن بۋداقتاتىپ كەتىپ بارا جاتقان قوعامدىق كولىكتى كوپ كورەسىز. قىزىلوردادان. ءاسىلى, قازاقستاننىڭ قاي تۇكپىرىندە تۇرماسا دا اۆتوبۋسپەن جۇرەتىن ادامدار بىلەدى.
سىقىرلاعان سارى ايازدا ءبىر جاعىنا قاراي قيسايىپ, وكپەسىن زورعا سۇيرەتىپ, ىڭىرانا باسىپ, كوك ءتۇتىنىن بۋداقتاتىپ كەتىپ بارا جاتقان قوعامدىق كولىكتى كوپ كورەسىز. قىزىلوردادان. ءاسىلى, قازاقستاننىڭ قاي تۇكپىرىندە تۇرماسا دا اۆتوبۋسپەن جۇرەتىن ادامدار بىلەدى.ءبىزدە قوعامدىق كولىكتىڭ مادەنيەتى كەم. ادام ەمەس, اعاش باسقانداي ەتىپ تيەيدى. كوندۋكتور ۇرىسقاق. جۇرگىزۋشى ءدورەكى. كوشەدە ەمەس, اۆتورالليدە كەلە جاتقانداي جارىسادى. وعان كولىكتەردىڭ قاڭقاسى عانا قالعانىن قوسساڭىز, ازاپتىڭ ارتا تۇسەتىنى انىق. ويتكەنى, دىتتەگەن جەرىڭە جەتكىزەتىنىنە سەنە المايسىڭ. كونەنىڭ كوزىن كورگەندەي كەيىپكە تۇسكەن اۆتوبۋستارعا تاپ بولعاندا ەرىكسىز وسىنداي ويعا تىرەلەسىز.
جالپى, بۇگىندە اۆتوپاركتىڭ دەنى جەكەنىڭ قولىندا. مەملەكەتتىڭ ەسەبىنەن قارجىلاندىرىلىپ وتىرعان پاركتەر نەكەن-ساياق شىعار. ال جەكەمەنشىكتىڭ ماقساتى بەلگىلى. اقشا تابۋ. قارجىنى مولايتۋ. دەگەنمەن, پاركتەگى اۆتوبۋستاردى جاڭارتۋعا كەلگەندە قينالا بەرەدى. جولاقىسىن كوتەرگەندى بىلگەن كومپانيالار, كولىكتى جاڭالاۋدى ءبىلمەيدى دەگەنگە سەنە المايسىڭ. اقىر سوڭى, جالپاق جۇرتتىڭ تۇتىنىنە شاشالعان كولىكپەن جۇرگەننەن باسقا امالى قالمايدى.
بىلتىر قاراشا ايىندا قىزىلوردا وبلىسىنىڭ اكىمدىگى ءبىر باستاما باستادى. سول بويىنشا, «بايقوڭىر» الەۋمەتتىك-كاسىپكەرلىك كورپوراتسياسى مەن ەۋروپا قايتا قۇرۋ جانە دامۋ بانكى اراسىندا مەموراندۋمعا قول قويىلعان بولاتىن. ول نە مەموراندۋم ەدى؟ اتالعان قۇجات بويىنشا قىزىلوردا قالاسىندا زاماناۋي اۆتوبۋس پاركى قۇرىلىپ, جاڭا جولاۋشى تاسىمالداۋشى كولىكتەر اكەلىنبەك. شىندىعى كەرەك قوي, باستاپقىدا وسىعان اسا يلانا قويمادىق. ەلپ ەتە قالمادىق. سويتسەك, جاڭا اۆتوبۋستار ساتىپ الۋعا ەۋروپا قايتا قۇرۋ جانە دامۋ بانكى 18,8 ميلليون دوللار قاراجات ءبولىپتى. سونىڭ العاشقى 20 اۆتوبۋسى قىتايدان قىزىلورداعا كەلىپ جەتىپتى. اۆتوبۋستار ەكولوگيالىق تازا گازبەن جۇرەدى ەكەن. سونىمەن قاتار, مۇمكىندىگى شەكتەۋلى ادامداردىڭ ءمىنىپ-تۇسۋىنە دە ىڭعايلى جاسالعان. اۆتوبۋس پاركىنىڭ ديرەكتورى مۇرات نۇعمانوۆتىڭ ايتۋىنشا, بۇل جاڭا كولىكتەردىڭ سىيىمدىلىعى 75-80 ادامدى قۇرايتىن كورىنەدى. اتالعان مەموراندۋمنىڭ ارقاسىندا كوپ ۇزاماي قىزىلوردا كوشەلەرىندە سۋ جاڭا اۆتوبۋستار پايدا بولادى. كەلەشەكتە تاعى 100 اۆتوبۋس اكەلۋ جوسپارلانىپ وتىرعانعا ۇقسايدى. تاعى ءبىر ەرەكشەلىگى بار مۇنىڭ. اۆتوبۋستىڭ جۇرگىزۋشىسى مەن كوندۋكتورلارىنىڭ تاپ-تۇيناقتاي بىرىڭعاي فورما كيگەنىن استانادان كورەتىن ەدىك. الماتىنىڭ وزىندە مۇنداي جاعداي قالىپتاسقانىن بايقاۋ قيىن. مىنە, ەلورداداعى ءۇردىس بىزگە جەتتى. كولىك جۇرگىزۋشىلەرى مەن كوندۋكتورلارىنا ارنايى كيىم الىندى. ەندى الداعى ۋاقىتتا اقمەشىتتە ولپى-سولپى جۇرگەن قوعامدىق كولىكتىڭ جۇرگىزۋشىسى مەن كوندۋكتورىن كورمەيتىن بولاسىز. قازىر ولار قوزعالىس جانە قاۋىپسىزدىك نەگىزدەرىن تاعى ءبىر پىسىقتاۋدا. سونىمەن قاتار, جاڭا اۆتوبۋس پاركىن سالۋ ءۇشىن ارنايى جەر ءبولىندى. بۇل دا ۇلكەن جاڭالىقتىڭ باسى. سەبەبى, پارك سالىنىپ, اۆتوبۋستار تۇگەلدەي جاڭارسا, وندا قىزىلوردادا قوعامدىق كولىكتىڭ پروبلەماسى شەشىلەدى دەگەن ءسوز. وسىلايشا, شاھارداعى كۇرمەۋى قيىن جولاۋشىلار تاسىمالى ماسەلەسى بيىل شەشىمىن تابادى دەپ سەنەمىز.
ەرجان بايتىلەس,
«ەگەمەن قازاقستان».
قىزىلوردا.
