يندونەزيانىڭ سولتۇستىك سۋلاۆەسي پروۆينتسياسىندا سۋ تاسقىنى ورىن الىپ, 13 ادام قازا بولدى. تاعى ەكى تۇرعىن ءىز-ءتۇزسىز جوعالعان. بۇل تۋرالى «ارگۋمەنتى ي فاكتى» گازەتىنىڭ ينتەرنەت باسىلىمى حابارلادى.
سۋلاۆەسي ارالىنىڭ سولتۇستىك بولىگىن تۇگەل سۋ باسىپ قالعان. سونىڭ سالدارىنان 40 مىڭداي ادام ۇيلەرىن تاستاپ كەتۋگە ءماجبۇر بولدى.
بىرنەشە كۇن بويى نوسەرلەپ جاۋعان جاڭبىر تاسقىننىڭ كۇشەيۋىنە اسەر ەتتى. سۋلاۆەسي پروۆينتسياسىنىڭ اكىمشىلىك ورتالىعى سانالاتىن مانادو قالاسىندا ءتورت وزەن ارناسىنان اسىپ, شاھاردىڭ ءبىراز بولىگى مەن 4 كوپىردى سۋ شايىپ كەتكەن. كەيبىر جەرلەردە لاي كوشكىنى ءجۇرىپ, بىرنەشە ءۇيدى باسىپ قالعان.
مامانداردىڭ ايتۋىنا قاراعاندا, تاسىعان سۋدىڭ دەڭگەيى جاقىن ارادا تۇسپەيتىن كورىنەدى. قۇتاقارۋشىلار اپات ايماعىندا قالعان تۇرعىنداردى قاۋىپسىز ايماققا كوشىرۋدە.
ايدار ورىسباەۆ.
دەرەككوز: Aif.ru
فوتو: Moscow-post.ru
