بۇگىن ەلىمىزدىڭ ءتورت وبلىسى اۋماعىندا جولدار جابىلدى. قازىرگى تاڭدا استانا قالاسىنان قوستاناي, قاراعاندى, كوكشەتاۋ باعىتتارىنا قاراي جولدار جابىق. بۇل تۋرالى «حابار» تەلەارناسى حابارلادى.
ۇيتقي سوققان بورانعا بايلانىستى, اقمولا وبلىسى بويىنشا ەكاتەرينبۋرگ-الماتى جولىنىڭ جالتىر مەن استانا, سونىمەن قاتار استانا مەن ارشالى ۋچاسكەسىندە قوزعالىس شەكتەلدى. ال استانا- پەتروپاۆل جولىنىڭ استانا مەن بۋراباي باعىتىنداعى ارالىعى جابىلدى. قاراعاندى وبلىسىندا ەكاتەرينبۋرگ-الماتى جولىنىڭ تەمىرتاۋ مەن اقمولا وبلىسى شەكاراسى ارالىعىندا قوزعالىس توقتاتىلعان. سونداي-اق اقتوبە وبلىسىندا سامارا-شىمكەنت جولىنىڭ اقتوبە مەن قىزىلوردا وبلىسى ارالىعىندا دا جولدار جابىلعان. قوستاناي وبلىسىنداعى جەزقازعان-پەتروپاۆل جولىنىڭ قاراعاندى جانە اقمولا وبلىسى ارالىعىنداعى قوزعالىس شەكتەۋلى.وسىعان وراي, بۇگىنگى كۇنى رەسپۋبليكا بويىنشا 500-دەن استام ارنايى تەحنيكا كەزەكشىلىككە شىققان.
دۋمان ديۋاني.
دەرەككوز: حابار اگەنتتىگى
فوتو: Otyrar.kz.
