«سىزدەردى مينيسترلىكتىڭ ۇجىمىنىڭ جانە ءوز اتىمنان كاسىبي مەرەكەلەرىڭىز - قۇرىلىسشى كۇنىمەن قۇتتىقتايمىن! قۇرىلىس سالاسى - ۇلتتىق ەكونوميكامىزدىڭ ماڭىزدى سالالارىنىڭ ءبىرى. ال جاسامپازدىقتان تۇراتىن قۇرىلىسشى ماماندىعى قاي كەزدە دە قوعامدا ەرەكشە قۇرمەتكە يە. سىزدەردىڭ ەرەن ەڭبەكتەرىڭىزدىڭ ارقاسىندا تاۋەلسىزدىك جىلدارى ەلىمىزدىڭ ساۋلەت كەلبەتى كوركەيىپ, قالالار مەن اۋىلدار اباتتاندىرىلۋدا.
ساپالى جولدار سالىنىپ, ينفراقۇرىلىمى جاقسارىپ كەلەدى. قاجىرلى قىزمەتتەرىڭىز ءۇشىن زور العىس ايتامىن. سىزدەرگە مىقتى دەنساۋلىق, باياندى باقىت, قىزمەتتە تابىس, وتباسىلارىڭىزعا اماندىق تىلەيمىن», دەدى بەيبىت اتامقۇلوۆ.
ەسكە سالا كەتسەك, قازاقستاندا قۇرىلىسشىلار كۇنى جىل سايىن تامىزدىڭ ەكىنشى جەكسەنبىسىندە اتاپ وتىلەدى. مەرەكە 1956 جىلى پايدا بولدى.
قۇرىلىسشىلار كۇنىن قازاقستاننان بولەك, ارمەنيا, بەلارۋس, رەسەي, ۋكراينا, قىرعىزستان دا وتەدى.
