اتىراۋدا ەكىنشى دۇنيەجۇزىلىك سوعىستان امان ورالعان سوڭعى مايدانگەر ومىردەن ءوتتى.
ەكىنشى دۇنيەجۇزىلىك سوعىستىڭ ارداگەرى زاكاريا سۇلتانوۆ 1926 جىلى تۋعان. 1943 جىلى سوعىسقا اتتانىپ, بەلورۋسسيا مايدانىندا 143-پولك قۇرامىندا جاۋعا قارسى شايقاسقا قاتىسقان. سوعىستاعى ەرلىگى ءۇشىن ءىى دارەجەلى «داڭق» وردەنىمەن ماراپاتتالعان. ەلگە 1946 جىلى ورالعان.
«قان مايداننان امان ورالىپ, ارامىزدا ادامدىقتىڭ اسقاق ۇلگىسىن كورسەتىپ جۇرگەن سوعىس ارداگەرلەرىنىڭ سوڭعىسى ەدى. وتكەن عاسىرداعى زۇلمات-سوعىستان جەڭىمپاز بولىپ شىققان زاكاريا سۇلتانوۆ اعامىز ءبىز ءۇشىن ەرلىكتىڭ, قايسارلىق پەن وتانسۇيگىشتىكتىڭ ۇلگىسى بولىپ كەلدى. مايداندا العان جاراقاتىنا قاراماستان بەيبىت كەزەڭدە ەڭبەكتەن قول ۇزبەي, اسكەري كوميسسارياتتا, ىشكى ىستەر ينسپەكتسياسىندا ابىرويلى قىزمەت ەتتى. تاۋەلسىز قازاقستاننىڭ گۇلدەنىپ, ماڭگىلىك ەل بولۋىن تىلەپ وتىرۋشى ەدى» دەيدى وبلىس اكىمى ماحامبەت دوسمۇحامبەتوۆ.
