مەديتسينا • 05 تامىز، 2021

شىمكەنتتە العاش رەت ەندوسكوپيالىق ادىسپەن ونكولوگيالىق وتا جاسالدى

47 رەت كورسەتىلدى

شىمكەنت قالاسىنداعى ونكولوگيالىق ورتالىقتا العاش رەت وڭەشتىڭ قاتەرلى ىسىگىنە تىلىكسىز وتا جاسالدى، دەپ حابارلايدى Egemen.kz.

كۇردەلى وتانى ەندوسكوپيالىق ادىسپەن جاساۋ ءۇشىن شىمكەنتتىك دارىگەرلەرگە اقتاۋ قالاسىنداعى «Sofie Med» كلينيكاسىنىڭ ونكوحيرۋرگى مۇحامەدجان نۇرعازيەۆ شەبەرلىك ساباعىن وتكىزدى.

ەندوسكوپيالىق ادىسپەن جاسالعان كۇردەلى وتا اقتاۋلىق دارىگەردىڭ قاتىسۋىمەن ءوتتى. بۇعان دەيىن جەرگىلىكتى ونكولوگتار وڭەشتەگى ىسىكتى ەمدەۋ ءۇشىن اشىق وتا جاساپ كەلگەن بولاتىن. مۇنداي وتادان كەيىن اسقىنۋلار ءجيى كەزدەسەدى دەيدى ماماندار.

«مۇنداي وتانى اشىق ادىسپەن جاسايتىنبىز. وتا كۇردەلى بولعاندىقتان، اسقىنۋلار كوپتەپ كەزدەسەتىن. مۇحامەدجان نۇرعازيەۆتىڭ شەبەرلىك ساباعىندا كەۋدە جانە ءىش قۋىسىن اشپاي-اق، تىلىكسىز وتا جاساۋدى ۇيرەندىك. اتالعان وپەراتسيا وڭتۇستىك وڭىردە العاش رەت جاسالىنىپ وتىر. ەندوسكوپيالىق ءادىستىڭ ءبىرشاما ارتىقشىلىقتارى بار. جاڭا ادىسپەن وتا جاساۋعا دايىنبىز، وعان قاجەتتى جابدىقتىڭ ءبارى بار»، دەيدى ورتالىقتىڭ حيرۋرگيا جونىندەگى ورىنباسارى سامات تاستەمىر ۇلى.

ودان بولەك، تاجىريبە الماسۋ بارىسىندا قالقانشا بەزى ىسىگىنە شالدىققان ەكى ناۋقاسقا، بۇيرەك ىسىگى، اسقازان قاتەرلى ىسىگىنە شالدىققان ناۋقاستارعا تىلىكسىز وتا جاسالدى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار