ايماقتار • 05 تامىز، 2021

شىمكەنتتە «QAZ ەت» الەۋمەتتىك دۇكەنىنىڭ تاعى ءبىر نۇكتەسى اشىلدى

16 رەت كورسەتىلدى

جىل باسىنان بەرى شىمكەنت قالاسىندا ەكى «الەۋمەتتىك دۇكەن» اشىلىپ، قالا تۇرعىندارىنا قىزمەت كورسەتۋدە، دەپ حابارلايدى Egemen.kz.

مەملەكەت باسشىسىنىڭ «ەگىس دالاسىنان دۇكەن سورەسىنە دەيىن» اتتى پيلوتتىق جوباسىن جۇزەگە اسىرۋ ماقساتىندا قالا اكىمى مۇرات ايتەنوۆ شاhاردا الەۋمەتتىك دۇكەندەر سانىن كوبەيتۋدى تاپسىرعان.

وسى ماقساتتا قالادا ازىق-ت ۇلىك باعالارىن تۇراقتاندىرۋ شارالارى اياسىندا «الەۋمەتتىك دۇكەندەر» سانىن ارتتىرۋ ءۇشىن ءىرى شارۋاشىلىقتىڭ ءبىرى - مال بورداقىلاۋمەن اينالىساتىن «قاسقاسۋ-س» شق-نا اينالىمعا 200 ملن تەڭگە قارىز قاراجات بەرىلىپ، كەلىسىمشارت جاسالعان.

بۇگىن اتالعان كەلىسىمشارت اياسىندا ءنۇرسات شاعىناۋدانى، نازاربەكوۆ كوشەسى 12/5 مەكەنجايىندا «QAZ ەت» الەۋمەتتىك دۇكەنىنىڭ ەكىنشى نۇكتەسى ىسكە قوسىلدى. الەۋمەتتىك دۇكەندەگى ەت ونىمدەرى بەلگىلەنگەن باعا بويىنشا ساتىلاتىن بولادى.

الداعى ۋاقىتتا شارۋا قوجالىق حالقى تىعىز ورنالاسقان ايماقتاردا جىل سوڭىنا دەيىن 2 الەۋمەتتىك دۇكەن جانە 4 جىلجىمالى ەت ونىمدەرىن ساتاتىن ساۋدا نۇكتەلەرىن ىسكە قوسۋدى جوسپارلاپ وتىر.

الەۋمەتتىك دۇكەندەر سانىن ارتتىرۋ، باعانى تۇراقتاندىرۋ شارالارى قالا اكىمىنىڭ تىكەلەي نازارىندا.

سوڭعى جاڭالىقتار

ۇقساس جاڭالىقتار