سايلاۋ • 05 تامىز، 2021

اۋىل اكىمدەرىن سايلاۋ – ماڭىزدى قادام

17 رەت كورسەتىلدى

سەناتتىڭ كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى ۆلاديمير ۆولكوۆ الماتى وبلىسىنىڭ قاراساي اۋدانىنداعى ەلتاي اۋىلدىق وكرۋگىنىڭ جاڭادان سايلانعان اكىمىمەن كەزدەستى، دەپ حابارلادى وسى پالاتانىڭ ءباسپاسوز قىزمەتى.

 سەناتور كەزدەسۋ بارىسىندا مەملەكەت باس­شىسىنىڭ نەگىزگى ساياسي رەفورمالارىن جۇزەگە اسىرۋدا اۋداندىق ماڭىزى بار قالالار، اۋىلدار، كەنتتەر مەن اۋىلدىق وكرۋگتەر اكىمدەرىن تىكەلەي سايلاۋ – ماڭىزدى قادام بولعانىن اتاپ ءوتتى. ەل پرەزيدەنتى قاسىم-جومارت توقاەۆتىڭ باستاماسى بويىنشا پارلامەنت زاڭناماعا ءتيىستى وزگەرىستەر ەنگىزدى. سايلاۋ جۇيەسىن جەتىلدىرۋ، جەرگىلىكتى ءوزىن ءوزى باسقارۋ جۇيەسىن نىعايتۋ، ءوزىنىڭ كونستيتۋتسيالىق قۇقىقتارىن ىسكە اسىرۋ كەزىندە حالىقتىڭ بەلسەندىلىگىن ارتتىرۋ، سونداي-اق ساياسي پارتيالاردىڭ ءرولىن ارتتىرۋ – اتقارىلىپ جاتقان جۇمىستارداعى باستى ماقسات.

«پرەزيدەنتتىك ساياسي رەفورمالار توپتاماسىندا اۋىل اكىمدەرىن تىكەلەي سايلاۋ – ساياسي جاڭعىرۋدىڭ جاڭا كەزەڭىن بىلدىرەدى. قازاقستان ازاماتتارىنا تاۋەلسىزدىك تاريحىندا تۇڭعىش رەت اكىمدەردى تىكەلەي سايلاۋعا جانە جەرگىلىكتى ماڭىزى بار ماسەلەلەردى شەشۋگە بەلسەندى قاتىسۋعا مۇمكىندىك بەرىلدى»، دەدى ۆلاديمير ۆولكوۆ.

سەناتور سول كۇنى ەلتاي اۋىلدىق وكرۋگىنىڭ تۇرعىندارىمەن دە كەزدەستى. دەپۋتات ۋچاسكەلىك پوليتسيا پۋنكتىنىڭ جابدىقتالۋىمەن، سونداي-اق مەكتەپتەردىڭ الداعى وقۋ جىلىنا دايىندىق بارىسىمەن تانىستى.

ۆلاديمير ۆولكوۆ وقۋ ورىندارىنىڭ قاۋىپسىزدىك ماسەلەلەرىنە: دابىل تۇيمەلەرىنىڭ، تۋرنيكەتتەردىڭ، بەلگى بەرۋ قۇرالدارىنىڭ جانە ت.ب. بولۋى جانە ۇزدىكسىز جۇمىس ىستەۋىنە ەرەكشە نازار اۋداردى.

 

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار