كوروناۆيرۋس • 04 تامىز، 2021

توكيو وليمپياداسىندا 300-دەن استام ادام كوروناۆيرۋس جۇقتىردى

25 رەت كورسەتىلدى

توكيوداعى وليمپيادادا تاۋلىكتىك جۇقتىرۋ رەكوردى تىركەلىپ، جاپونيا استاناسىندا تج رەجيمى ۇزارتىلدى، دەپ حابارلايدى Egemen.kz dw.com سايتىنا سىلتەمە جاساپ.

توكيوداعى وليمپيادادا تاۋلىكتىك SARS-CoV-2 كوروناۆيرۋسىن جۇقتىرۋ جاعدايىنىڭ ماكسيمالدى كورسەتكىشى تىركەلدى. 24 ساعاتتىڭ ىشىندە جازعى وليمپيادا ويىندارىن وتكىزۋگە اتسالىسقان 29 ادام ۆيرۋس جۇقتىردى.

بۇل تۋرالى «توكيو-2020» ۇيىمداستىرۋ كوميتەتىنىڭ سايتىندا سارسەنبى، 4 تامىز كۇنى جاريالانعان ەسەپتە ءمالىم ەتىلدى. جۇقتىرعانداردىڭ اراسىندا ءتورت سپورتشى بار. جارىستى وتكىزۋگە اتسالىسقان ادامداردىڭ ىشىندە كوروناۆيرۋس جۇقتىرعانداردىڭ جالپى سانى 322-گە جەتتى.

ەپيدەميولوگيالىق احۋالدىڭ ورشۋىنە بايلانىستى توكيودا توتەنشە جاعداي رەجيمى 31 تامىزعا دەيىن ۇزارتىلدى. اتاپ ايتقاندا، قوعامدىق تاماقتانۋ ورىندارىندا الكوگول ساتۋعا تىيىم سالۋدى جانە كورەرمەندەردى بۇقارالىق ءىس-شارالارعا جىبەرۋدى شەكتەۋدى كوزدەيدى.

ەسكە سالا كەتسەك، وليمپيادا جاپونيا استاناسىندا كورەرمەندەرسىز ءوتىپ جاتىر.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • بۇگىن، 22:48

ۇقساس جاڭالىقتار