قازاقستان • 04 تامىز، 2021

قازاقستان مەن تۇركيا قورعانىس سالاسىنىڭ جاڭا باعىتىن تالقىلادى

12 رەت كورسەتىلدى

قازاقستان مەن تۇركيا قورعانىس ۆەدومستۆولارىنىڭ وكىلدەرى بەينەكونفەرەنتسيادا رادياتسيالىق، حيميالىق جانە بيولوگيالىق قورعاۋ سالاسىنداعى ىنتىماقتاستىق ماسەلەلەرىن تالقىلادى، دەپ حابارلايدى Egemen.kz قر قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.

كەلىسسوزدەرگە قازاقستاندىق تاراپتان باس شتابتىڭ رادياتسيالىق، حيميالىق جانە بيولوگيالىق قورعاۋ جانە ەكولوگيالىق قاۋىپسىزدىك اسكەرلەرى دەپارتامەنتىنىڭ باستىعى پودپولكوۆنيك ەرجان قۇلماعامبەتوۆ قاتىستى.

«بۇگىنگى تاڭدا بۇل باعىت ءبىزدىڭ مەملەكەتتەرىمىز ءۇشىن جوعارى وزەكتىلىككە يە جانە ءبىزدىڭ ويىمىزشا، وسى سالاداعى ىنتىماقتاستىقتى ۇيىمداستىرۋ ءبىزدىڭ ەلدەرىمىزدىڭ قورعانىس قابىلەتىنىڭ جاي-كۇيىنە جاعىمدى اسەر ەتەدى»، دەپ اتاپ ءوتتى ول.

پودپولكوۆنيك ەرجان قۇلماعامبەتوۆتىڭ ايتۋىنشا، بۇگىنگى تاڭدا نەگىزگى باسىمدىق اسكەرلەردىڭ اسكەري جانە بەيبىت ۋاقىتتا دا مىندەتتەردى ورىنداۋعا دايىندىعىن ارتتىرۋ ماقساتىندا قازاقستان قارۋلى كۇشتەرىنىڭ رادياتسيالىق، حيميالىق جانە بيولوگيالىق قورعاۋ جۇيەسىن دامىتۋ جانە جاڭعىرتۋ بولىپ تابىلادى.

تاراپتار مامانداردى دايارلاۋعا، جاۋىنگەرلىك دايارلىق پروتسەسىنە جانە بولىمشەلەردى تەحنيكالىق جابدىقتاۋعا قاتىستى ءوزارا ءىس-قيمىلدىڭ پەرسپەكتيۆالىق باعىتتارىن تالقىلادى.

رادياتسيالىق، حيميالىق جانە بيولوگيالىق قورعاۋ – بۇل قازاقستان مەن تۇركيانىڭ قورعانىس ۆەدومستۆولارى اراسىنداعى ىنتىماقتاستىقتىڭ جاڭا باعىتى، ونى دامىتۋ قاجەتتىلىگىن قازىرگى زامان تالاپ ەتەدى. اسكەري قىزمەتشىلەر الەۋمەتتىك ماڭىزى بار وبەكتىلەردى دەزينفەكتسيالاۋ بويىنشا مىندەتتەردى ورىنداعان كەزدە رحبز اسكەرلەرىنىڭ قاجەتتىلىگىن كوروناۆيرۋستىق ينفەكتسيا پاندەمياسى كورسەتتى.

سوڭعى جاڭالىقتار

ۇقساس جاڭالىقتار