بۇل تۋرالى ريا نوۆوستي مالىمدەدى.
اۆتوبۋس قارسى جولعا شىعىپ كەتكەن.
كولىك قۇرالى قورشاۋعا سوعىلىپ, d-400 جولايرىعىنداعى قارسى جولعا شىعىپ كەتكەنى حابارلاندى. وقيعا ورنىنا بىرنەشە جەدەل جاردەم مەن پوليتسيا جىبەرىلدى.
تۋريستەر اۋەجايعا بارا جاتقان.
«ينتۋريست» تۋروپەراتورى كولىكتە رەسەيدەن كەلگەن دەمالۋشىلار بولعانى تۋرالى اقپاراتتى راستادى. سالوندا بارلىعى 22 رەسەيلىك, ونىڭ 9-ى بالا بولعان. ترانسفەر ولاردى ساماراعا ۇشاتىن ZF 6394 كەشكى رەيسىنە وتىرعىزۋ ءۇشىن اۋەجايعا جەتكىزۋى كەرەك ەدى. كومپانيا ءۇش ءتۋريستىڭ قايتىس بولعانىن راستادى, ولاردىڭ اراسىندا بالا جوق ەكەنى ايتىلدى.
رەسەيدىڭ انتالياداعى باس كونسۋلدىعى تۇركيادا تاس جولداعى جول-كولىك وقيعاسى سالدارىنان رەسەيلىكتەردىڭ قايتىس بولعانى تۋرالى اقپاراتتى راستادى. ديپميسسيا اپات جەرگىلىكتى ۋاقىت بويىنشا ساعات 18:00 شاماسىندا بولعانىن اتاپ ءوتتى.
جول پوليتسياسىنىڭ مالىمەتىنشە, جۇرگىزۋشى كولىكتى باسقارا الماعان, سودان كەيىن اۆتوبۋس قارسى جولعا شىعىپ, اۋدارىلعان. باس كونسۋلدىقتىڭ وكىلى باسقا جاعدايلاردى انىقتاۋ ءۇشىن وقيعا ورنىنا باردى.
بارلىق زارداپ شەككەندەر جەرگىلىكتى مەديتسينالىق مەكەمەلەرگە العاشقى كومەك كورسەتۋ ءۇشىن جەتكىزىلدى.
كەيىنىرەك «ينتۋريست» اپاتتا قازا تاپقانداردىڭ سانى تورتكە جەتكەنىن حابارلادى. تاعى بەس ساياحاتشى اۋىر جاراقات العان.
«قازىر بارلىق تۋريست انتاليا پروۆينتسياسىنىڭ ءتورت اۋرۋحاناسىنا جەتكىزىلدى. زارداپ شەككەندەردىڭ جاعدايى تۋرالى اقپارات ناقتىلانادى. اۆتوبۋس جۇرگىزۋشىسى ەس-ءتۇسسىز, اۋىر حالدە جاتىر», دەدى تۋروپەراتور وكىلى.
