اينابەكوۆ ە. اۋىل شارۋاشىلىعى مينيسترلىگىنىڭ اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ توراعاسى بولا وتىرىپ, لاۋازىمدىق وكىلەتتىكتەرىن اسىرا پايدالاندى دەپ ايىپتالدى. 2017 جىلدىڭ اقپان-ساۋىرىندە جامبىل جانە وڭتۇستىك قازاقستان وبلىستارىنىڭ اۋماعىندا اۋىل شارۋاشىلىعى داقىلدارىنىڭ ۋلى حيميكاتتارىمەن حيميالىق وڭدەۋ قىزمەتتەرىن مەملەكەتتىك ساتىپ الۋ بويىنشا كونكۋرستىڭ جەڭىمپازى ءوز مىندەتتەمەلەرىن تيىسىنشە ورىندامادى, تەحنيكانى ۋاقتىلى تاپسىرمادى. بۇل ماروككو شەگىرتكەسىنىڭ قاپتاپ كەتۋىنە سەبەپ بولدى.
اينابەكوۆ بۇل تۋرالى بىلە تۇرا, جك مۇددەسىندە ارەكەت ەتىپ «فيتوسانيتاريا» رمك باسشىسى - تولەباەۆتى رمك-عا 520 855 تەڭگە مولشەرىندە شەگىرتكەگە قارسى كۇرەس بويىنشا قوسىمشا جۇمىس جۇرگىزۋ ءۇشىن ارنايى تەحنيكانى بەرۋگە ماجبۇرلەدى. سونداي-اق, اينابەكوۆ جشس باسشىسىن قوسىمشا الاڭداردى وڭدەۋ ءۇشىن جك-گە 18 100 000 تەڭگە سوماسىندا ۋلى حيميكاتتى تەگىن بەرۋگە زاڭسىز ماجبۇرلەدى دەپ ايىپتالدى», دەدى سوت وكىلى.
بۇدان بولەك اينابەكوۆ استانا ماەس-ءتىڭ قىزمەت مۇددەلەرىنە قايشى ارەكەت ەتە وتىرىپ, 30 040 695 تەڭگە سوماسىندا بيۋدجەت قاراجاتىن زاڭسىز جك-عا ءبولدى دەپ ايىپتالدى.
«نۇر-سۇلتان سوتىنىڭ قىلمىستىق ىستەر جونىندەگى سوت القاسىنىڭ 2021 جىلعى 3 تامىزداعى ۇكىمىمەن اينابەكوۆ ءوزىنىڭ ارەكەتتەرىندە قىلمىستىق قۇقىق بۇزۋشىلىق قۇرامىنىڭ بولماۋىنا بايلانىستى تاعىلعان ايىپ بويىنشا اقتالدى.
سوت اينابەكوۆتىڭ ارەكەتتەرىندە ارتىق وكىلەتتىكتەر مەن ولاردى تەرىس پايدالانۋ بولعان جوق, ويتكەنى تەحنيكانىڭ ۋاقتىلى كەلۋىن جانە القاپتاردى شەگىرتكەدەن وڭدەۋدى باستاۋدى باقىلاۋ اشم كوميتەتىنىڭ اۋماقتىق ينسپەكتسياسى باسشىلىعىنىڭ مىندەتىنە كىرگەنىن انىقتادى», دەپ تولىقتىردى سوتتا.
سوت تالقىلاۋى بارىسىندا ماروككو شەگىرتكەسىنىڭ جامبىل وبلىسى اۋماعىندا جاپپاي تاراۋىنىڭ سەبەپتەرى: 2016-2017 جىلدارعا كەلگەن تابيعي تسيكلدەردەن تۋىنداعان زيانكەستەردىڭ بيولوگيالىق بەلسەندىلىگى, زارداپ شەككەن اۋدانداردى وڭدەۋ مۇمكىن بولمايتىن قولايلى اۋا رايى جاعدايلارى, سونداي-اق اينابەكوۆتىڭ قۇزىرەتىنە جاتپايتىن اشم دياگنوستيكا ورتالىعىنىڭ 2016 جىلى ونىڭ تارالۋىن دۇرىس بولجاماۋ (ول بۇل ورتالىقتى 2016 جىلى باسقاردى, كەيىن كوميتەتكە تاعايىندالدى, بىراق ول بولجامعا وڭىرلەردىڭ دەرەكتەرى نەگىزىندە قول قويدى).
سونداي-اق سوت مالىمەتىنشە, ايىپتاۋشى تاراپ اينابەكوۆتىڭ ارنايى تەحنيكا مەن ۋلى حيميكاتتى جەتكىزۋ كەزىندە رمك مەن جشس باسشىلىعىنا قىسىم كورسەتۋ دەرەگى دالەلدەگەن جوق.
«رمك تەحنيكاسىن ديرەكتور ەرىكتى تۇردە, كاسىپورىن جارعىسىنا سايكەس ونىڭ وكىلەتتىگىنە كىرەتىن, ءوزارا ءتيىمدى شارتتاردا جك-مەن جاسالعان ىنتىماقتاستىق تۋرالى شارت نەگىزىندە ۇسىندى. جشس «گيۋحاراد» پرەپاراتى جامبىل وبلىسىنا دا كومەك رەتىندە جەتكىزىلدى.
جك-مەن قوسىمشا كەلىسىمدەر جاساسۋ مەملەكەتتىڭ ەكونوميكالىق جانە ەكولوگيالىق مۇددەلەرىنە قاۋىپ توندىرەتىن شەگىرتكەلەردىڭ تەز تارالۋىنا بايلانىستى اسا قاجەتتىلىكتەن تۋىندادى. اينابەكوۆتىڭ قوسىمشا كەلىسىمدەر جاساسۋىنىڭ زاڭدىلىعى جانە ولاردىڭ تولەمى اشم كوميتەتىنىڭ سومالاردى ءوندىرىپ الۋ تۋرالى تالاپ-ارىزىن قاناعاتتاندىرۋدان باس تارتىلعان زاڭدى كۇشىنە ەنگەن سوت شەشىمدەرىمەن راستالدى, ويتكەنى قوسىمشا كەلىسىمدەر بويىنشا تولەم جۇرگىزۋ كەزىندە جك قوسىمشا جۇمىستاردى اياقتادى. القاپتاردى شەگىرتكەدەن وڭدەۋ بويىنشا قوسىمشا جۇمىستار جۇرگىزۋ تۋرالى اشم باسشىلىعى سوتتا بۇرىنعى اۋىل شارۋاشىلىعى ۆيتسە-ءمينيسترى راحىمبەكوۆتىڭ راستاعانىن ءبىلدى», دەدى سوتتىڭ ءباسپاسوز قىزمەتىندەگىلەر.
اينابەكوۆكە قاتىستى جەدەل ءىس-شارالار ءبىر جارىم جىل جۇزەگە اسىرىلعانىنا قاراماستان, ونىڭ جك نەمەسە ونىڭ باسشىسى قالمۇراتوۆتىڭ پايداسىنا زاڭسىز ءىس-ارەكەتتەر جاساۋ دەرەگى انىقتالعان جوق. قىلمىستىق كودەكستىڭ 361-بابى 3-تارماعى 4-بولىگى جانە 362-بابى 4-بولىگى 3-تارماعى ءۇشىن مىندەتتى زياننىڭ ەلەۋلىلىگىن نەمەسە اۋىر زارداپتاردى ايىپتاۋ ورگانى دالەلدەگەن جوق.
اقتاۋ ۇكىمى زاڭدى كۇشىنە ەندى.
2020 جىلدىڭ مامىرىندا اۋىل شارۋاشىلىعى مينيسترلىگىنىڭ اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ بۇرىنعى توراعاسى 6 جىلعا باس بوستاندىعىنان ايىرىلىپ, ءومىر بويى مەملەكەتتىك قىزمەتتە بولۋ قۇقىعىنان ايىرىلعان بولاتىن.
