اگەنتتىكتىڭ مالىمدەۋىنشە, ۆەدومستۆو ءوز قاتارىنداعى بۇزۋشىلىقتارعا قارسى تۇراقتى كۇرەس جۇرگىزەدى جانە كەز كەلگەن قۇقىققا قارسى ارەكەتتەردىڭ جولىن كەسەدى.
«اگەنتتىكتىڭ جەكە قاۋىپسىزدىك دەپارتامەنتى تۇركىستان وبلىسى بويىنشا اۋماقتىق دەپارتامەنتتىڭ ەكى قىزمەتكەرىنىڭ دالەلدەمەلەردى بۇرمالاعانى ءۇشىن پارا الۋ دەرەگىن انىقتادى. ەكى قىزمەتكەر سادىقوۆ پەن شوراەۆ, قىزمەت بابىن پايدالانا وتىرىپ, الكوگول ونىمدەرىن رۇقسات قۇجاتسىز جانە جالعان ەسەپكە الۋ-باقىلاۋ ماركاسىمەن ساتۋ بويىنشا زاڭسىز كاسىپكەرلىك قىزمەت دەرەگىن جاسىرۋعا جاردەمدەسكەن», دەلىنگەن حابارلامادا.
ولار الدىن الا ءسوز بايلاسۋ ارقىلى كىناسىز كۋاگەردى اكىمشىلىك جاۋاپكەرشىلىككە تارتا وتىرىپ, ناقتى كىنالىگە قاتىستى قىلمىستىق ءىستى زاڭسىز توقتاتقان.
«قىلمىستىق ءىستىڭ دەرەكتەرىن بۇرمالاعانى ءۇشىن سادىقوۆ پەن شوراەۆ 500 مىڭ تەڭگە كولەمىندە اقشالاي سىياقى العان. قىزمەتكەرلەر سوتتالدى», دەلىنگەن حابارلامادا.
