ايماقتار • 03 تامىز، 2021

ورالدا جۇمىسقا ورنالاستىرامىن دەپ جۇرتتى الداعان الاياق ۇستالدى

26 رەت كورسەتىلدى

ورالداعى جۇقپالى اۋرۋلار اۋرۋحاناسىندا «جارمەڭكە» ۇيىمداستىرىپ، جۇمىس ورىندارىن ساۋدالاعان ايەل انىقتالدى، دەپ حابارلايدى Egemen.kz Astanatv.kz-كە سىلتەمە جاساپ.

ءتارتىپ ساقشىلارىنىڭ مالىمەتىنشە، ول جۇقپالى اۋرۋلار اۋرۋحاناسىندا سانيتارلاردىڭ جۇمىس ورىندارىن ۇسىنعان. قىزمەت قۇنى 150 دەن 400 مىڭ تەڭگەگە دەيىن بولدى. ادامدار جۇمىس ورىندارىن ساتىپ الۋ ءۇشىن نەسيە الىپ، اقشا بەرگەن. الايدا، الاياقتىڭ قۇرىعىنا ءتۇسىپ، ۋادەلەنگەن جۇمىس ورىندارىن الا الماعان.

«مەن جاقسى جالاقىسى بار جۇمىس ىزدەدىم. تانىستار ماعان ءتيىستى بوس جۇمىس ورنى تۋرالى ايتا باستادى. جانارا ماعان حابارلاسىپ، 150 مىڭ تەڭگە تولەۋ كەرەكتىگىن ايتتى. بۇل اقشانى مەن پايىزبەن قارىزعا الدىم. ول اقشانى الىپ، بەرگەن ۋادەلەرىن ورىندامادى. ەندى اقشا دا، جۇمىس تا جوق»، دەدى ورال قالاسىنىڭ تۇرعىنى رايا يسماعۇلوۆا.

الاياقتىڭ ايتۋىنشا، بارلىعى 16 شىلدەدەن باستاپ جۇمىسقا شىعۋى كەرەك ەدى. زارداپ شەككەندەر بۇل سحەمانىڭ ارتىندا جۇقپالى اۋرۋلار اۋرۋحاناسى قىزمەتكەرلەرىنىڭ ءبىرى تۇر دەپ سانايدى. بىراق مەكەمە ديرەكتورى بۇنى جوققا شىعاردى.

ء«بىز ارىز جازدىق. ءىىد بىزگە ەشكىمگە شىعىن كەلتىرىلمەگەنىن، اقشا قايتارىلعانىن حابارلادى»، دەدى وبلىستىق جۇقپالى اۋرۋلار اۋرۋحاناسىنىڭ ديرەكتورى ناديا احمەتوۆا.

اتالعان وقيعا بويىنشا پوليتسياعا بارلىعى 70 ءوتىنىش كەلىپ تۇسكەن. 1991 جىلى تۋعان ازاماتشا الاياقتىق جاساعانى ءۇشىن ۇستالدى. پوليتسيا ونىڭ وسىنداي 30 فاكتىگە قاتىسى بارىن انىقتادى. قر قك-ءنىڭ 190-بابى، 3-بولىگى «الاياقتىق» بويىنشا سوتقا دەيىنگى تەرگەۋ جۇرگىزىلۋدە.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار