الەم • 02 تامىز، 2021

بەلارۋس اتلەتى توكيو وليمپياداسىنان كەيىن ەلىنە ورالۋدان باس تارتتى

308 رەت كورسەتىلدى

توكيو وليمپياداسىنا كەلگەن بەلارۋس اتلەتى كريستينا تيمانوۆسكايا ەلگە ورالۋدان باس تارتتى، دەپ جازادى Egemen.kz ريا نوۆوستي پورتالىنا سىلتەمە جاساپ.

فوتو Global Look Press

بەلگىلى بولعانداي، 2 تامىزدا تيمانوۆسكايا 100 جانە 200 مەتر قاشىقتىققا جۇگىرۋى كەرەك ەدى. الايدا، بەلارۋس قۇراماسىنىڭ جاتتىقتىرۋشىلارى ونى وزىنە ەسكەرتپەستەن، 4ح400 مەترلىك ەستافەتاعا شىعارۋعا شەشىم قابىلدادى. ال بۇل جارىسقا قاتىسۋى ءتيىس سپورتشىلار شەتتەتىلگەن.

ك.تيمانوۆسكايا جاتتىقتىرۋشىلاردىڭ ارەكەتىن الەۋمەتتىك جەلىلەردە قاتال سىنعا الدى. كەيىن بەلارۋس وليمپيادا كوميتەتى كريستينانىڭ «ەموتسيونالدى-پسيحولوگيالىق جاعدايىنا بايلانىستى دارىگەرلەردىڭ قورىتىندىسى بويىنشا» وليمپياداعا قاتىسپايتىنىن مالىمدەدى.

اتلەت 1 تامىزدا بەلارۋس جاتتىقتىرۋشىلار شتابىنىڭ ءوزىن ەركىنەن تىس جاپونيادان شىعارۋعا تىرىسقانىن ايتتى. سول كۇنى ول حالىقارالىق وليمپيادا كوميتەتى مەن جەرگىلىكتى قۇقىق قورعاۋ ورگاندارىنان كومەك سۇرادى. سودان كەيىن وعان كۇزەت بەرىلدى.

وسى ۋاقىت ىشىندە بىرنەشە ەۋروپا ەلدەرى سپورتشىعا كومەك ۇسىندى. 2 تامىزدا تيمانوۆسكايانىڭ پولشادان گۋمانيتارلىق ۆيزا العانى بەلگىلى بولدى.

«بەلارۋس سپورتشىسى كريستينا تيمانوۆسكايا توكيوداعى پولياك ديپلوماتتارىمەن تىكەلەي بايلانىستا. ول گۋمانيتارلىق ۆيزا الدى. پولشا وعان سپورتتىق مانسابىن جالعاستىرۋعا كومەكتەسۋ ءۇشىن قولدان كەلگەننىڭ ءبارىن جاسايدى»، دەپ جازدى پولشا سىرتقى ىستەر ءمينيسترىنىڭ ورىنباسارى مارچين پرجيداچ Twitter-دە.

وپپوزيتسيالىق داعدارىسقا قارسى حالىقتىق اكىمشىلىكتىڭ وكىلدەرى (بەلورۋسسيا ۇوك بۇرىنعى باس حاتشىسى اناتولي كوتوۆ) تيمانوۆسكايانىڭ پولشاعا وسى اپتادا كەلەتىنىن ايتتى.

سوڭعى جاڭالىقتار

ۇقساس جاڭالىقتار