بۇل تۋرالى Energyprom.kz سايتى مالىمدەدى.
جىل باسىنان بەرى ەلىمىزدە 93,3 مىڭ توننا تازارتىلماعان كۇنباعىس مايى ءوندىرىلدى. بۇل بىلتىرعىمەن سالىستىرعاندا التى پايىزعا كوپ. تازارتىلعان كۇنباعىس مايىنىڭ 76,9 مىڭ تونناسى ءوندىرىلدى. بىلتىرعىمەن سالىستىرعاندا 37,4 پايىزعا ارتىق.
تازارتىلماعان كۇنباعىس مايىنىڭ باسىم بولىگى شقو-دا وندىرىلەدى, جالپى كولەمنىڭ 72,2 پايىزى. تازارتىلعان ماي ءوندىرىسى بويىنشا شىمكەنت كوش باستاپ تۇر: 34,9 مىڭ توننا نەمەسە ەل بويىنشا بارلىق كولەمنىڭ 45,4 پايىزى. قازاقستاندىق كومپانيالار 2021 جىلدىڭ ءبىرىنشى جارتىجىلدىعىندا كۇنباعىس مايىنا دەگەن سۇرانىستى 83,2 پايىزعا ارتتىردى.
2021 جىلعى ماۋسىمدا ەلدىڭ بازارلارى مەن دۇكەندەرىندە مايدىڭ ورتاشا باعاسى ليترىنە 713 تەڭگە بولدى. تۇركىستان تۇرعىندارىنا ءبىر بوتەلكە ماي - ليترىنە 773 تەڭگەدەن.
قاراعاندى وبلىسىندا ءبىر جىلدا باعا 80 پايىزعا ءوستى. الماتىدا - 75,9 پايىز.
ەسكە سالايىق, ماۋسىمنىڭ قورىتىندىسى بويىنشا قازاقستاندا كوكونىستەر مەن جەمىستەر ءبىر ايدا بىردەن 7,7 پايىزعا وسكەن جانە بىلتىرعىمەن سالىستىرعاندا 14,2 پايىزعا قىمباتتادى.
