Pfizer/BioNTech ۆاكتسيناسىنىڭ ءۇشىنشى دوزاسىن كەمىندە بەس اي بۇرىن ەكى دوزامەن ۆاكتسيناتسيا كۋرسىن اياقتاعان 60 جاستان اسقان ادامدار الا الادى. سىناق اياسىندا 2000 ادام ءۇشىنشى دوزا سالدىردى. سىناق بارىسىندا قاۋىپتى جاناما اسەرلەر انىقتالعان جوق.
بەننەت 60 جاستاعى يزرايل پرەزيدەنتى يتسحاك گەرتسوگ 30 شىلدەدە پرەپاراتتىڭ ءۇشىنشى دوزاسىن الاتىنىن مالىمدەدى.
«مەن ەكى دوزانى قابىلداعان قارت ادامداردى ءۇشىنشىسىن الۋعا شاقىرامىن. بۇل اۋرۋ مەن ولىمنەن قورعايدى», دەدى پرەمەر-مينيستر.
يزرايل الەمدە العاشقىلاردىڭ ءبىرى بولىپ حالىقتىڭ كوپ بولىگىن ۆاكتسيناتسيالادى. ءساۋىر ايىندا حالىقتىڭ 60 پايىزى ۆاكتسينا سالدىردى. 1 ماۋسىمنان باستاپ يزرايلدەگى بارلىق كارانتيندىك شەكتەۋلەر الىنىپ تاستالدى. بىراق ەلدە دەلتا شتاممىنىڭ تارالۋىنا بايلانىستى 10 كۇننەن كەيىن ماسكا رەجيمى قايتارىلدى.
سوڭعى ايدا يزرايلدە اۋرۋ كۇرت ءوستى, قازىر ەلدە كۇنىنە ەكى مىڭعا جۋىق جاعداي تىركەلىپ وتىر. ماۋسىم ايىندا كۇن سايىن بىرنەشە ونداعان ادام اۋرۋعا دۋشار بولدى.
دۇنيەجۇزىلىك دەنساۋلىق ساقتاۋ ۇيىمى ونىڭ تيىمدىلىگى مەن قاۋىپسىزدىگى تۋرالى دەرەكتەردىڭ بولماۋىنا بايلانىستى ءۇشىنشى دوزامەن ۆاكتسيناتسيالاۋدى رەسمي تۇردە ۇسىنباي وتىر. ونىڭ ورنىنا دامىعان ەلدەر ۆيرۋستىڭ جاپپاي ءورشۋى مەن جاڭا شتامداردىڭ پايدا بولۋىنا جول بەرمەۋ ءۇشىن ارتىق ۆاكتسينالاردى باسقا ەلدەرگە جەتكىزە الادى دەپ سانايدى.
