«يسلام دىنىندە ادامنىڭ ءومىرى مەن دەنساۋلىعىنان اسقان قۇندىلىق جوق. سوندىقتان ءاربىر ادام ءوز دەنساۋلىعىنا اسا ءمان بەرۋى قاجەت», دەپ جازادى قمبد.
«اللا تاعالا «باقارا» سۇرەسىنىڭ 195-اياتىندا: «وزدەرىڭدى ءوز قولدارىڭمەن قاۋىپ-قاتەرگە سالماڭدار», – دەپ بۇيىرعان. اللا ەلشىسى (وعان اللانىڭ سالاۋاتى مەن سالەمى بولسىن): «ەمدەلىڭدەر, راسىندا اللا ءاربىر دەرتتى شيپاسىمەن قوسا جاراتتى», – دەگەن. دانا حالقىمىز: «اۋىرىپ ەم ىزدەگەنشە, اۋىرمايتىن جول ىزدە», – دەپ شيپا ىزدەۋگە ۇندەگەن. سول ءۇشىن كەز كەلگەن ادام ەمدەلۋدىڭ جانە اۋرۋدىڭ الدىن الۋ جولدارىن قاراستىرۋى ءتيىس. ارنايى مەديتسينا ماماندارى قازىرگى تاڭدا الەمگە قاۋىپ توندىرگەن كوروناۆيرۋس ىندەتىنىڭ الدىن الۋ ءۇشىن ۆاكتسيناتسيالاۋدىڭ ادام دەنساۋلىعىن ساقتاپ قالۋدىڭ قاۋىپسىز جانە ءتيىمدى ءادىس ەكەنىن ايتۋدا. ال شاريعات بويىنشا ءزارۋ جاعدايدا ەكپە سالۋعا بولادى. الايدا ەكپە سالدىرۋ – ءار ازاماتتىڭ ءوز ەركى», - دەلىنگەن مالىمدەمەدە.
سونىمەن قاتار, ءمۇفتيات ەلدەگى پاندەميالىق جاعدايدىڭ كۇن سايىن كۇردەلەنىپ بارا جاتقانىنا الاڭداۋشىلىق ءبىلدىردى.
«جۇقپالى دەرتتەن ءبىر وتباسىندا بىرنەشە ادام جان تاپسىرۋدا. بۇل جاعداي ەكپە سالدىرۋعا قاتىستى وڭ شەشىم قابىلداۋ قاجەتتىگىن كورسەتىپ وتىر. وسى رەتتە حالىقتى بارىنشا ساقتانىپ, دەنساۋلىعىمىز بەن ءومىرىمىزدى ساقتاپ قالۋ ءۇشىن ەكپە سالدىرۋعا ۇندەيمىز. اللا تاعالا حالقىمىزدى جۇقپالى ىندەتتەن ساقتاپ, ناۋقاس جاندارعا شيپا ءناسىپ ەتسىن! ءامين!», دەلىنگەن ۇندەۋدە.
