بۇل جونىندە استانا مەديتسينالىق ۋنيۆەرسيتەتىنىڭ باستاۋىش كاسىپوداق ۇيىمىنىڭ توراعاسى ەرجان قۇسپاەۆ ءوزىنىڭ Facebook پاراقشاسىندا جازدى.
شىلدە ايىنىڭ ورتاسىندا استانا مەديتسينا ۋنيۆەرسيتەتىنىڭ 17 ستۋدەنتى مەن ءۇش وقىتۋشىسى تۇركياعا تاعىلىمداما باعدارلاماسى بويىنشا اتتاندى. قازاقستاندىقتار انتاليا قالاسىندا وقىپ, تامىزدىڭ باسىندا وتانىنا ورالۋعا دايىندالا باستادى. الايدا, 28 شىلدەدە ورىن العان ءورت ماناۆگات تۇرعىندارىن قيىن جاعدايدا قالدىردى. وسىعان بايلانىستى انتاليانىڭ ءارتۇرلى بولىكتەرىندە زارداپ شەككەندەرگە گۋمانيتارلىق كومەك قابىلداۋ پۋنكتتەرى ۇيىمداستىرىلدى.
«كۋرورتتىق قالالاردىڭ اۋماعىندا, اسىرەسە انتاليانىڭ ماڭىندا ورمان ورتتەرى ءورشىپ تۇردى. وكىنىشكە قاراي, زارداپ شەككەندەر مەن قازا تاپقان ادامدار بار. سول كۇندەرى ءبىز انتاليادا بولدىق. ورتتەن زارداپ شەككەندەرگە كومەك قاجەت بولعان كەزدە ءبىز شەتتە قول قۋسىرىپ وتىرا المادىق», دەدى حالىقارالىق جازعى مەكتەپ ۇيلەستىرۋشىلەرىنىڭ ءبىرى ەرجان قۇسپاەۆ.
ونىڭ ايتۋىنشا, ءورت شىققان كۇنى قازاقستاندىقتار گۋمانيتارلىق كومەك كورسەتۋ ورتالىقتارىنىڭ بىرىنە اتتانىپ, جەرگىلىكتى ەرىكتىلەرگە انتاليا تۇرعىندارىنان گۋمانيتارلىق كومەك تۇسىرۋگە جانە وقيعا ورنىنا زاتتاردى جىبەرۋگە كومەكتەستى.
ء«بىز ءۇش ساعاتتان استام ۋاقىت بويى زارداپ شەككەندەرگە ازىق-ت ۇلىك پەن سۋسىن اكەلگەن قاراپايىم تۇرعىنداردىڭ كولىكتەرىن تۇسىردىك. ءار ساعات سايىن ۇلكەن جۇك كولىگى جينالعان جەردەن گۋمانيتارلىق كومەكپەن ماناۆگاتقا قاراي بەت الدى. بۇل ايماق انتاليادان ەكى ساعاتتىق جەردە ورنالاسقان. ءبىز زارداپ شەككەندەرگە قانداي دا ءبىر كومەك كورسەتە العانىمىزعا قۋانىشتىمىز», دەپ قوستى ول.
