وتكەن تاۋلىكتە, تاڭعى ساعات 07.10-دا قارابۇتاق كەنتىنىڭ جانىنداعى «سامارا-شىمكەنت» اۆتوجولىنىڭ 996 شاقىرىمىندا «Toyota Previa» اۆتوكولىگىنىڭ جۇرگىزۋشىسى ىرعىز كەنتى جاعىنان قارابۇتاق كەنتى باعىتىندا قوزعالىپ, ءرولدى باسقارا الماي, اپاتقا ۇشىراعان.
جول-كولىك وقيعاسى سالدارىنان اۆتوكولىك جۇرگىزۋشىسى مەن سەگىز جولاۋشى زارداپ شەگىپ, العان دەنە جاراقاتىنان ايتەكە بي اۋدانىنىڭ ورتالىق اۋداندىق اۋرۋحاناسىنا جەتكىزىلدى. جاراقات العان جولاۋشىلاردىڭ بارلىعى وزبەكستان رەسپۋبليكاسىنىڭ ازاماتتارى. جولاۋشىلار قازاقستان رەسپۋبليكاسىنىڭ اۋماعىنا تۇركىستان وبلىسى سارىاعاش قالاسىنىڭ «جىبەك جولى» ءبوپ ارقىلى كىرىپ, اتىراۋ قالاسىنا جۇمىسقا بارا جاتقان.
قر قك 345-بابى 2-بولىگى «كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى» بويىنشا سوتقا دەيىنگى تەرگەۋ باستالدى.
شىلدە ايىندا اقتوبە وبلىسىنىڭ جولدارىندا 32 جكو ورىن الدى, وندا جەتى ادام قازا تاۋىپ, 34 ادام ءتۇرلى دارەجەدەگى جاراقات الدى. كوبىنەسە اپاتتىڭ پايدا بولۋىنا ۇقىپسىزدىق, جول ەرەجەلەرىن ساقتاماۋ, جەكە قاۋىپسىزدىككە جانە باسقا قوزعالىسقا قاتىسۋشىلاردىڭ قاۋىپسىزدىگىنە جاۋاپسىزدىق سياقتى ادام فاكتورلارى ىقپال ەتەدى.
