«ەلىمىزدە 90 مىڭعا جۋىق ادام اۋىرىپ جاتىر, ولاردىڭ 25 مىڭعا جۋىعى ستاتسيونارلاردا, 65 مىڭعا جۋىعى امبۋلاتوريالىق ەم الۋدا. شىلدە ايىنىڭ باسىنداعى جاعدايمەن سالىستىرعاندا اۋىر ناۋقاستار سانى 2,1 ەسە ءوستى, شامامەن 1000 ناۋقاس ءوجج اپپاراتتارىنا قوسىلدى. سونىمەن قاتار, بىرقاتار وڭىرلەردە ينفەكتسيالىق جانە رەانيماتسيالىق توسەك-ورىندار تاپشىلىعى ورىن الۋى مۇمكىن. نۇر-سۇلتان, شىمكەنت قالالارى جانە اقتوبە, اقمولا قىزىلوردا وبلىستارى تاۋەكەل ايماقتا. بىرقاتار وڭىرلەردىڭ دەنساۋلىق ساقتاۋ جۇيەسىنە تۇسكەن جۇكتەمە جوعارى», دەدى ا.تسوي.
رەسمي دەرەكتەرگە سايكەس, قر بويىنشا جالپى سىرقاتتانۋشىلىق پەن ءولىم-ءجىتىمنىڭ 65%-ى نۇر-سۇلتان, الماتى, شىمكەنت, اتىراۋ, قاراعاندى قالالارىنا تيەسىلى. وسىعان بايلانىستى, 27 شىلدەدە ۆەدومستۆوارالىق كوميسسيانىڭ شەشىمىمەن اتالعان وڭىرلەردە 2 تامىزدان باستاپ كۇشىنە ەنەتىن قوسىمشا شەكتەۋ شارالارى بەكىتىلدى.
