نيۋ-يوركتە قازاقستان رەسپۋبليكاسىنىڭ بىرىككەن ۇلتتار ۇيىمى جانىنداعى تۇراقتى وكىلى قايرات ءابدىراحمانوۆ بىرىككەن ۇلتتار ۇيىمىنىڭ باس حاتشىسى پان گي مۋنعا سەنىم گراموتاسىن تاپسىردى.
نيۋ-يوركتە قازاقستان رەسپۋبليكاسىنىڭ بىرىككەن ۇلتتار ۇيىمى جانىنداعى تۇراقتى وكىلى قايرات ءابدىراحمانوۆ بىرىككەن ۇلتتار ۇيىمىنىڭ باس حاتشىسى پان گي مۋنعا سەنىم گراموتاسىن تاپسىردى.
كەزدەسۋ بارىسىندا اڭگىمەلەسۋشى تاراپتار جاھاندىق كۇن ءتارتىبىنىڭ وزەكتى ماسەلەلەرىن, بۇۇ-نىڭ حالىقارالىق ماسەلەلەردى شەشۋدەگى ءرولى جانە قازاقستاننىڭ وسى ۇدەرىسكە قوسىپ جاتقان ۇلەسىن تالقىلادى.
ق.ءابدىراحمانوۆ قازاقستاننىڭ بۇۇ-مەن كەدەيلىكتى جويۋ, ايەلدەردىڭ ءرولىن نىعايتۋ جانە ولاردىڭ قۇقىقتارىن قورعاۋ, مەملەكەتتىك-جەكە ارىپتەستىكتى دامىتۋ, جاڭا جۇمىس ورىندارىن قۇرۋ, كليماتتىڭ وزگەرۋى, جاپپاي قىرىپ-جويۋ قارۋىن تاراتپاۋ سياقتى باس حاتشى تاراپىنان بەلگىلەنگەن ماسەلەلەر بويىنشا بىرلەسكەن جۇمىستى جالعاستىرۋعا ازىرلىگىن ءبىلدىردى.
ءبىزدىڭ ەلىمىز تۇراقتى دامۋ ماقساتتارىن جانە مىڭجىلدىقتىڭ دامۋ ماقساتتارىن ازىرلەۋگە بەلسەنە قاتىسۋدا. قازاقستان مىڭجىلدىقتىڭ دامۋ ماقساتتارىنىڭ ورىندالۋى تۋرالى حالىقارالىق قوعامداستىق الدىندا العاشقى بولىپ ەسەپ بەردى. اتاپ ايتقاندا, كەدەيلىكتى ازايتۋ, باستاۋىش ءبىلىم الۋ مەن ورتا ءبىلىم سالاسىنداعى گەندەرلىك تەڭدىككە قول جەتكىزۋ.
يادرولىق قارۋدى تاراتپاۋ جانە ەنەرگەتيكالىق, سۋ, ازىق-ت ۇلىك قاۋىپسىزدىگى ماسەلەلەرى قازاقستاننىڭ جۇزەگە اسىرىپ جاتقان 2017-2018 جىلدارداعى بۇۇ قاۋىپسىزدىك كەڭەسىنىڭ تۇراقسىز ءمۇشە ورنىنا سايلانۋ ناۋقانىنىڭ كۇن ءتارتىبىندە تۇر.
قازاقستان بۇۇ-نىڭ ءارتۇرلى ورگاندارىنىڭ جۇمىستارىنا بەلسەنە قاتىسىپ, 2014 جىلدان باستاپ بۇۇ ەكونوميكا مەن الەۋمەتتىك كەڭەسىنىڭ, ەسىرتكى زاتتارى جونىندەگى كوميسسيانىڭ, بۇۇ ۇيلەستىرۋ كەڭەسىنىڭ ۆيچ/سپيد باعدارلاماسىنىڭ جانە يۋنەسكو-نىڭ دۇنيەجۇزىلىك مۇراسى كوميتەتىنىڭ مۇشەسى بولىپ تابىلادى.
«ەگەمەن-اقپارات».
