كوروناۆيرۋس • 28 شىلدە، 2021

وتاندىق ۆاكتسينانىڭ 25 مىڭ دوزاسى قىرعىزستانعا جەتكىزىلدى

39 رەت كورسەتىلدى

COVID-19 پاندەمياسىمەن كۇرەستەگى ىنتىماقتاستىق شەڭبەرىندە قازاقستاننان QazVac يناكتيۆتەندىرىلگەن ۆاكتسيناسىنىڭ 25 000 دوزاسىن قىرعىزستانعا جەتكىزدى، دەپ حابارلايدى Egemen.kz قر سىرتقى ىستەر مينيسترلىگىنە سىلتەمە جاساپ.

ۆاكتسينانى تاپسىرۋ ءراسىمى قىرعىزستان دەنساۋلىق ساقتاۋ ءمينيسترى الىمكادىر بەيشەناليەۆ، قازاقستان ەلشىسى ءراپىل جوشىباەۆ پەن مەديتسينالىق ۇيىمدار وكىلدەرىنىڭ قاتىسۋىمەن ءوتتى.

مينيستر ا.بەيشەناليەۆ ەلدە كوروناۆيرۋستىق ينفەكتسيانىڭ ودان ءارى تارالۋىنا قارسى ءىس-قيمىلدا ماڭىزدى قولداۋ كورسەتكەنى ءۇشىن قازاقستان تاراپىنا شىنايى ريزاشىلىعىن ءبىلدىردى.

ء«بىز Astra Zeneca، Sputnik V جانە باسقا دا شەتەلدىك ۆاكتسينالارمەن قىرعىزستاندىقتار QazVac-پەن دە ەكپە الاتىنىنا قۋانىشتىمىز»، دەپ اتاپ ءوتتى ول.

ونىڭ ايتۋىنشا، قازاقستاندىق ۆاكتسينا حالىقتى ۆاكتسينالاۋ پۋنكتتەرىنە جەدەل تاراتىلادى جانە ازاماتتاردىڭ كوروناۆيرۋستى جۇقتىرۋ قاۋپىن ازايتۋ بويىنشا رەسپۋبليكانىڭ مەديتسينالىق جۇيەسىنىڭ مۇمكىندىكتەرىن نىعايتادى.

ءوز كەزەگىندە ر. جوشىباەۆ ۆاكتسينانى جەتكىزۋدى قازاقستان پرەزيدەنتى قاسىم-جومارت توقاەۆتىڭ قىرعىزستان پرەزيدەنتى سادىر جاپاروۆپەن كەلىسسوز ناتيجەسى بويىنشا بەرگەن تاپسىرماسىنا سايكەس قازاقستان ۇكىمەتى ۇيىمداستىرعانىن اتاپ ءوتتى.

«قىرعىزستان ءبىزدىڭ دوستارىمىز بەن حالىقارالىق سەرىكتەستەرىمىزدىڭ اراسىندا ءبىرىنشى بولىپ كوروناۆيرۋسقا قارسى قازاقستاندىق ۆاكتسينا الادى، بۇل ەلدەرىمىز اراسىنداعى دوستىق پەن تاتۋ كورشىلەستىك قاتىناستارىن تاعى دا راستايدى»، دەپ اتاپ ءوتتى ەلشى.

ول سونداي-اق قازاقستاننىڭ ىزگىلىك كومەگى كوپتەگەن ادام ءومىرىن قۇتقارۋعا جانە قىرعىزستانداعى سانيتارلىق-ەپيدەميولوگيالىق جاعدايدى جاقسارتۋعا كومەكتەسەتىنىنە سەنىم ءبىلدىردى.

QazVac ۆاكتسيناسىن قازاقستاننىڭ ءبىلىم جانە عىلىم مينيسترلىگىنىڭ بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتى ءوندىرىپ شىعارعان جانە 2021 جىلدىڭ باسىنان بەرى ول رەسەيلىك جانە قىتايلىق ماماندار ازىرلەگەن پرەپاراتتارمەن قاتار قازاقستاندىقتاردى ۆاكتسينالاۋ ءۇشىن كەڭىنەن قولدانىلادى.

قازاقستاندا كلينيكالىق سىناقتار مەن ونى كەڭىنەن قولدانۋ تاجىريبەسى QazVac ۆاكتسيناسىنىڭ قاۋىپسىزدىگىن جانە ونىڭ كوروناۆيرۋستىق ينفەكتسيا مەن ونىڭ اۋىر تۇرلەرىن جۇقتىرۋدىڭ الدىن الۋدا جوعارى تيىمدىلىگىن (90%-دان استام) كورسەتتى.

QazVac-پەن ۆاكتسينالاۋ 18 جاستان اسقان ادامدارعا ۇسىنىلادى جانە بۇلشىقەت ىشىنە ەكى كەزەڭدە جۇرگىزىلەدى، ولاردىڭ اراسىنداعى ۇسىنىلاتىن ارالىق 21 كۇندى قۇرايدى. بۇدان بۇرىن حابارلانعانداي، سالالىق ورگاندار وتاندىق ۆاكتسيناعا كەلىسىم الۋ ءۇشىن دۇنيەجۇزىلىك دەنساۋلىق ساقتاۋ ۇيىمىمەن جۇمىس جۇرگىزىپ جاتىر.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار